ni Jose “joesum” Sumampong, Jr.

ANG SAYSAY SA KAAGI

SA SANTOS KARONG ADLAWA

DISYEMBRE 4, 2022

Saint John Damascene

 Saint John Damaskinos | unknown

Saint of the Day for December 4

(c. 676 -749)

Saint John Damascene’s Story

Si John naggugol sa daghang panahon sa iyang kinabuhi didto sa   Monasteryo ni Saint Sabas duol sa Jerusalem, ug sa tanang higayon sa iyang kinabuhi ubos sa mangagamhanang  Muslim , nga nanalipod kaniya.

Natawo didto sa Damascus, nakalampos sa edukasyon nga classical ug theological , ug misunod sa iyang amahan sa buluhaton nga pangagamhanan ubos sa mga Arabs. Tapos sa pipila ka mga tuig, siya miretiro ug misulod sa Monasteryo ni  Saint Sabas.

Nailhan pag-ayo siya niining tulo ka mga butang:

Una, sa iyang mga sinulat batok sa mga  iconoclasts, kinsa nagdumili sa benerasyon sa mga imahen. Dili katuohan, nga ang Eastern Christian emperor Leo nga midumili sa maong kahimuan, ug tungod kay si  John nanimuyo man sa teritoryo nga Muslim nga ang iyang mga kaaway dlili makapahilom kaniya.     

Ikaduha, tungod sa iyang baroganan, Exposition of the Orthodox Faith, usa ka sumada sa mga Greek Fathers, diin siya nahiapil nga kinakataposan. Ginaingon nga ang maong baroganan nga nahisulat sa usa ka basahon alang kini sa mga Eastern schools nga mao ang susama sa Summa ni Aquinas didto sa West.

Ika-tuloo, sa natad sa iyang pagka-magbabalak, usa sa labing batid sa  Eastern Church, ang laing batid nga magbabalak mao si  Romanus, ang  Melodist. Ang iyang debosyon ngadto sa Mahal nga Birhen Maria ug ang iyang mga wali panahon sa iyang mga kapyestahan hilabihan usab nga nailhan.  

Ang liturhikanhong kasaulogan sa kapyestahan ni Saint John Damascene mao ang Abril 30.

PAMALANDONG

Si John makusganong nanalipod sa gitudlo sa Simbahan kabahin sa benerasyon sa mga imahen ug nagpatataw sa sakto nga pagtuo nga gitudlo sa Simbahan diha sa pipila ka mga kontobersiya nga nagitabo. Sulod sa kapin og  30 ka katuigan, iyang gitipo ang iyang hugot nga pag-ampo uban sa iyang pagpanalipod sa baroganan sa Simbahan pinaagi sa iyang mga sinulat. Ang iyang kabalaan nasaksihan sa iyang mga sinulat ug mga pagwali nga mao gayod ang tin-aw nga matang sa pag-alagad sa Dios. SUGYOT NGA PAHIDUNGGAN SA PAG-AMPO: NGA UNTA MAPUY-AN NATO ANG HAGIT SA PANAHON SA ADBIYENTO…