ni Jose “joesum” Sumampong, Jr.
ANG SAYSAY SA KAAGI
SA SANTOS KARONG ADLAWA
DISYEMBRE 18, 2022
Blessed Anthony Grassi
House of Loreto | J L Buchner | photo by unknown
Saint of the Day for December 18
(November 13, 1592 – December 13, 1671)
Blessed Anthony Grassi’s Story
Ang amahan ni Anthony namatay sa diha pa Anthony sa linghod nga panuigon nga 10 tuig, apan kining bataa nakasunod sa debosyon sa iyang amahan ngadto kang Our Lady of Loreto. Sa iyang pagtungha, magduawan siya sa simbahang lokal nga gidumala sa Oratorian Fathers, kansang pundok iyang giapilan sa dihang nag-edad siya og 17.
Usa ka sulondon nga tinun-an, si Anthony sulod sa madali nga panahon nakabaton sa nindot nga kadungganan sa mga gingsakopan sa iyang religious community isip usa ka “walking dictionary,” nga dali rang makatuhog sa bibliya ug theology. Dihay pipila ka higayon nga siya gisamok sa panghunahuna o pagbati nga eskrupolo / scruples, apan nahimong gawasnon siya gikan niini sa unang takna nga siya nagsaulog sa iyang unang Misa. Gikan niadtong adlawa, ang kalinaw maoy naghari sa iyang kaugalingon.
Niadtong tuig 1621, sa edad nga 29, si Anthony naigo sa kilat samtang siya nag-ampo sulod sa simbahan sa Holy House didto sa Loreto. Giisa siya nga paralitiko / paralyzed gikan sa simbahan, gituohan nga siya mamatay. Sa panahon nga si Anthony nauli-an sulod lang sa pipila ka mga adlaw iyang gituohan nga naayo siya gikan sa kalibanga / acute indigestion. Ang iyang nasunog nga pangsapot iyang gidonar sa Loreto church isip halad nga pasalamat alng sa iyang bag-ong gasa sa kinabuhi.
Ang dugang nga pahinungod, nabati ni Anthony nga ang iyang tibuok kinabuhi gipanag-iya sa kinatibuk-an sa Dios. Sa matag tuig sukad niadtong higayona, siya maghimo og pilgrimahe ngadto sa Loreto aron molitok sa iyang lapad ug lawom nga pasalamat.
Misugod siya ministeryo sa pagpakompisal, ug gikabaniog nga bantugan nga tigpakumpinsal.Yano laman ang iyang pamaagi apan may tataw nga tumong ang iyang pagtambag, si Anthony nagbansay sa maayong pagpaminaw sa matag mokumpisal, ug hamubo ra ang iyang ipamulong, ug dayong hatag sa penitensya ug sa rito sa psaylo, gigasahan siya og gasa sa pabasa sa konsensya sa mga mangumpisal.
Nidtong tuig 1635, si Anthony napili nga superior sa Fermo Oratory. Hapsay ang iyang pagpangulo nga siya pagapilion pag-usab matag tulo ka mga tuig hangtud da iyang pagkamatay. Hilomon siya ug masinabuton siya isip superior kinsa walay lisod nga gabayan. Naniguro siya sa pagsunod sa Oratorian constitutions , ug mahangyoon kanunay sa iyang ginsakopan sa pagbuhat sa ingon.
Dili siya modawat sa mga social or civic commitments ug hinoon iyang abiabihon ang mga hangyo sa mga adlaw ug gabii kon kini mao ang pgduaw sa mga masakiton o pagtubag sa mga pag-amuma sa uban nga nanginahanglan sa iyang pagpangalagad.Sa ng-nam siya pagkatigulang. Nag-anam og kalapad ang iyang talagsaong pagtagad sa kaugmaon sa uban.
Apan ang pangidaron nag-abot kaniya og dagkong mgapagsulay. Si Anthony nag-antos diha nga ang iyang kahimanan inanay sa tinagsa nga pagka-walay kagamitan. Una ang iyang pagwali, dili na niya mahimo gumikan kay nahingo man siya. Unya dili na usab siya makapakumpisal kay nawagtangn siya sa kahimanan sa saktong pagdungog. Ug sa katapusan, nagapabilin siya sulod sa iyang lawak gumikan kay dili makalakaw. Gani ang archbishop mismo ang mangunay sa pagduaw kaniya sa matag adlaw alang sa paghatod sa santos nga pagkalawat. Ang mga katapusan nga iyang gihimo mao ang pgkahimo isip tulay alang sa panag-uliay ngadto sa maayong kabubut-on sa mga manag-away nga mga managsuon. Ang liturhikanhon nga kapyestahan ni Blessed Anthony Grassi saulogon sa Disyembre 13.
PAMALANDONG
Walay mahinungdanon rason sa pagsusi sa usa ka kinabuhi kondili kon anaa na kini sa haduol sa hinaliling ikamatay. Mao kini ang nahimutangan sa kahimtang ni Anthony sa higayon nga nalit-an siya. Usa siya ka maalamon nga pari, nga sa kahulian gipanalanginan sa pagka-balaan uban sa gasa sa dili matukib nga kalinaw. Ang maong talagsaong kasinatian maoy nakahulma sa iyang panglantaw. Nahimo si Anthony nga hapsay nga magtatambag ug kasaligan nga taytayan. Mahitabo usab kini kanato. Apan dili na kita maghulat og kilat, kondili sa pagpasilaw sa gasa Espirito Santo sa atong kinabuhi. Agad pa unta!
SUGYOT NGA PAHIDUNGGAN SA PAG-AMPO: