ni Jose “joesum” Sumampong, Jr.

ANG SAYSAY SA KAAGI

SA SANTOS KARONG ADLAWA

Enero 8,  2023

Saint Angela of Foligno

Saint Angela of Foligno

Saint of the Day for January 8

(1248 – January 4, 1309)

Saint Angela of Foligno’s story

Adunay pipila ka mga santos nga nagpakita sa ilang kabalaan bisan kon sila bata pa, wala kini mahitabo kang Angela! Natawo sa nangunahang banay sa Foligno, Italy, siya nangandoy nga mahimong adunahan ug makaangkon og taas nga kahimutangan  sa katilingban. Isip asawa ug inahan, nahimo kining libang sa iyang pagpakabuhi. 

Sa edad nga 40, nakaanglinggat siya sa kaaw-ang sa iyang kinabuhi ug nangitag panabang sa Dios diha sa sakramento sa Panag-uli. Ang iyang         Franciscan nga tig-pakumpisal niya mitabang kang  Angela sa pagkakaplag sa pasaylo sa Dios sa iyang kanhing kinabuhi ug paghalad sa iyang kaugalingon diha sa pag-ampo ug sa mga buhat sa gugma.

Sa wala madugay human sa iyang pagbag-o, ang iyang bana ug mga anak nangamatay. Gibaligya ang kasagaran sa iyang mga naangkon, siya misulod sa Secular Franciscan Order. Si Angela namalandong sa gilangsang nga Kristo ug sa pag-alagad sa mga kabos sa Foligno isip  nurse ug tigpalimos alang sa ilang panginahanglan. May ubang mga babaye nga miapil sa iyang pundok nga rehiliyoso. 

Sumala sa sugyot sa iyang tigpakumpisal, si Angela misulat sa basahon nga Book of Visions and Instructions. Sa mga pahina niini iyang gibalik-lantaw ang pipila sa mga pagsulay nga iyang nasinati tapos siya nabag-o ug unsa ka bililhon ang gibuhat sa Dios kaniya.  Kining maong basahon ug ang iyang kinabuhi maoy nagpasidungog kaniya nga “Teacher of Theologians.” Ang iyang  beatipikasyon gihimo sa 1693, ug kanonisasyon sa 2013.

PAMALANDONG

Ang katawhan nga nanimuyo sa United States karon makasabot sa mga pagsulay kang Santa Angela ug sa pagpako sa iyang kauygalingong bili pinaagi sa pagpanag-iya og dugang nga katigayonan, dungog ug gahum. Naningkamot sa pagpanag-iya og mas daghan pa, siya nahimong mas sentro sa iyang kinabuhi, unya nakita siya sa iyang walay bili nga pagkinabuhi kay wala man masentro ang Dios niini. Sa iyang pagpasentro sa iyang kinabuhi sa Dios, nakaplagan niya ang kamatuoran nga siya binuhat ug hinigugma sa Dios. Mao nga siya nahimong mas mahinulsolon ug mas maloloy-on sa mga kabos. Unsay daw dili bililhon sa iyang pagka-batan-on. maoy nahimong labing bililhon sa iyang pagkahamtong. Ang dalan nga iyang gisubay mao usab ang angay sundon sa tanan. Ang liturhikal nga kapyestahan ni Santa Angela  sa Foligno mao ang Enero 8.
SUGYOT NGA AMPO-AN- Alang sa kapahulayan sa kalag ni Papa Emerito Benedicto XVI…