ni Jose “joesum” Sumampong, Jr.
ANG SAYSAY SA KAAGI
SA SANTOS KARONG ADLAWA
ENERO 15, 2023
Saint Paul the Hermit
Saint of the Day for January 15
(c. 233 – c. 345)
Saint Paul the Hermit’s Story
Dili tataw kon unsay atong nasayran sa saysay sa kinabuhi ni San Pablo. Unsay tinumotumo lang ug unsay tiunay,
Gikataho nga si Pablo natawo didto sa Egypto, diin siya nahimong ilo sa edad nga15. Usa siya ka maalamon ug matinud-anon sa iyang pagka-batan-on. Sa panahon sa pagpanglutos ni Decius didto sa Egypto sa tuig 250, si Pablo napugos sa pagtago sa panimalay sa usa sa iyang higala. Taliwala sa kahadlok sa pagbudhi sa iyang umagad nga igsuon, siya milayas ug mitago sa usa ka langob nga nahimutang sa usa ka mamingawong dapit. Naglaraw siya nga inigkatapos sa panglutos mao ang panahon pagbalik sa ilang dapit, apan ang katam-is sa pag-inusara ug sa langitnong pamalandong nakapahukom niya sa pagpabalin sa langob nga iyang gitago-an.
Nagpadayon siyag puyo sulod sa maong langob sa mosunod nga 90 ka katuigan . May duol nga tubod nga naghatag niyag tubig. Ang mga kahoy nga palma maoy tinubdan sa iyang mga panapot ug makaon. Tapos sa 21 ka mga tuig pag-inusara, may langgam nga motugdon aron pagtugyan niyag tunga nga tinapay matag adlaw. Walay nahibaloan kon unsay mga panghitabo sa kalibutan, si Pablo nag-ampo nga ang kalibutan molambo.
Si San Antonio sa Egypto nagmatuod sa iyang balaanong kinabuhi ug kamatayon. Gisulay sulod sa iyang hunahuna nga walay tawong nakahimo sa pag-alagad sa Dios didto sa kamingawan sulod sa taas nga mga tuig kay kaniya, si Antonio gigiyahan sa Dios pagkakaplag kang Pablo ug iya kining giila nga maoy usa ka tawo nga mas hingpit kay kaniya. Ang langgam niadtong adlawa nga nagdala og usa ka tibuok nga tinapay, inay kay sa naandan nga katunga maoy naghatag og tilimad-on kang Pablo nga si Antonio mobalik usa ka adlaw aron sa paglubong kaniya nga iyang bag-ong gikahibalag nga higala.
Gibanabana nga namatay siya sa pangidarong 112, si Pablo giila nga maoy “the First Hermit.” Ang iyang kapyestahan gisaulog sa Subangan, siya usab gihandum sa mga rituwal nga Coptic and Armenian panahon sa Misa.
PAMALANDONG
Ang kabubut-on ug direksyon sa Dios makita sa mga daghang panghitabo sa atong kinabuhi. Inagak sa grasya sa Dios, aduna tay katungod kon unsaon pagpili sa atong pagtubag niini nga makaganoy nato ngadto sa dugang nga pagsalig kaniya nga maoy nagbuhat kanato. Kanang maong mga gawasnon nga pagpili, usahay maoy makatugyan kanato halayo sa atong mga silingan. Apan sa katapusan, maoy gabayan sa paghibalik nato sa pag-ampo ug paglambigit sa usag-usa. Sugyof nga atong ampo-an – Alang sa tanang nagdeboyon sa Bata ngasi Jesus nga makanunayon sila sa manong debosyon ug alang sa tanang kabataan nga magtubo sila diha sa lawom nga pagsalig sa Dios…