ni Jose “joesum” Sumampong, Jr.
ANG SAYSAY SA KAAGI SA SANTOS KARONG ADLAWA
ENERO 15, 2023
Saint Vincent of Zaragossa
Saint of the Day for January 22
(d. c, 304)
Saint Vinvent of Zaragossa’s Story
Kadaghanan sa atong nahibaloan kabahin ni San Vincent nagagikan sa usa ka magbabalak nga si Prudentius. Ang iya nga Acts gihatagan sa gawasnong kolor sa panghunahuna sa mga naghan-ay niini. Apan si San Agustin, sa usa ka bahin sa iyang wali mihisgot kabahin sa iyang
naangkon nga kasayoran sa pagkamartir ni San Vincent. Aduna kitay dili malalis nga kasayoran sa unsay iyang tinuod nga ngalan ug nga siya usa ka diakono, ang dapit sa iyang kamatayon ug lubnganan.
Sumala sa kaysayan nga along nasayran, ang dili yanong debosyon nga migamaw alang kaniya may dakong saksi ug hinungdan sa maisogong kinabuhi nga iyang gipuy-an. G iordenahan si Vicent nga diakono sa iyang higala nga San Valerius sa Zaragossa sa Espanya.
Ang mga Romanhon nga mga Emperador misulat og kamandoan batok sa mga kaparian sa tuig 303, ug sa sunod nga tuig batok na usab sa mga laygo. Si Vincent ug ang iyang obispo gibilanggo sa Valencia. Ang hilabihang kagutom ug mabangis nga pagdagmal wala makapaluya kanila. Sama sa mga kabatan-onan nga gipahimutang sa nagdilaab nga hugnuhan, sila nagmadaugon taliwala sa kasakitan.
Si Valerius gipalayas sa layong dapit. Si Dacian, the Romanhon nga governador, karon mitumong sa iyang ngilngig sa pagdumot kang Vincent. Pagdagmal nga daw sa binag-ong paagi gisulayan pagpahamtang tali kaniya. Apan nga limugdangan mao na man hinoon ang pagka buakbuak ni Dacian. Mao nga ang mga mipasakit kang Vincent maoy gipalatos sa kalagot ni Dacian.
Mao nga si Dacian, mihimog kompormiso; nga kon si Vincent mosunog sa mga balaang basahon dili na kini niya pahamtangan og silo!. Apan wala kadto uyoni ni Vincent, gibatonan niya ang kamaisogon sa pakigharong sa kasakitan. Si Vicent gisulod sa usa ka mahugaw nga bilanggoan. Nadani hinoon ni Vincent ang usa sa iyang mga tigbilanggo. Si Dacian midangoyngoy sa iyang kasuko, apan dakong katingalahan nga siya misugo nga papahulayon si Vincent sa usa ka haruhay nga higdaanan.
May mga suod nga higala nga miduaw ni Vincent, apan dili siya makapahulay sa kalibutanong pahulay Sa katapusan gihatagan siyag nindot nga pahulayanan nga maoy dapit nga nahimong kagamitan sa pahulay nga walay katapusan.
PAMALANDONG
Ang mga martir maoy nga sanglitanan sa bayanihong gahum nga lya gayod sa Dios. Ang gituohan nga dili mahimo sa tawhanong gahum milagroso nga mahitabo sa usa ka tawo nga may dakong pagsalig sa way kinutubang gahum sa Dios. Sama ni San Vincent, bisan pa sa daghang higayon sa mga pagsulay, siya nagmadaugon ug malampuson sa iyang gibatonang walay pagkatarog nga pagtuo sa Dios. Ang Dios mopadalag tabang niadtong mosapnay niini sa bisan unsay nahimutangan sa ilang kaugalingon.
SUGYOT NGA ATONG AMPO-AN