ni Jose “joesum” Sumampong, Jr.
ANG SAYSAY SA KAAGI SA SANTOS KARONG ADLAWA
Enero 26, 2023
Servant of God Brother Juniper
Servant of God Brother Juniper’s Story
“Would to God, my brothers, I had a whole forest of such Junipers,” mao kini ang gihulagway kang Francis mahitungod kang Junifer nga usa ka balaanong prayle.
Wala kitay igong kasayoran kabahin ni Juniper sa wala pa siya moapil sa mga prayles nidtong tuig 1210.
Si Francis mipadala kaniya aron sa pagtukod sa mga “dapit” alang sa mga prayles didto sa Gualdo Tadino ug sa Viterbo. Sa higayon nga si Saint Clare hilimatyon, si Juniper mipaambit og kalipay kaniya. Si Juniper may dakong debosyon sa kasakitan ni Jesus ug nailhan sa iyang pagka-yano.
May pipila ka mga suginlanon kabahin ni Juniper sa Little Flowers of St. Francis nga naghulagway niini sa hilabihang kaanindot nga paagi. May higayon nga si Juniper miamping sa usa ka masakiton nga may dakong kahidlaw sa pagkaon sa karne nga tiilan sa baboy. Kining matinabangon nga prayle miadto ngadto sa haduol nga hawanan, midakop og baboy ug iyang giputlan og usa katiil, ug iyang gidalit nga pagkaon ngadto sa maong masakiton. Ang tag-iya sa maong baboy nasuko ug dihadiha misumbong ngadto sa superior ni Juniper. Sa dihang nasayran ni Juniper ang iyang kasaypanan, nagbasol siya nga masub-anon. Ang tag-iya nga makusganon sa iyang kasuko sa katapusan nakighinabi kang Junifer ug mihatag hinoon sa ubang bahin sa baboy ngadto sa mga prayles!
Sa laing higayon si Juniper gimandoan sa pag-undang paghatag sa kabahin sa iyang sapot sa mga nagsul-ob og katungang mga sapot sa ilang kaugalingon nga iyang gikahibalag sa mga kadalanan. Nagbaton sa diwa sa pagtuman sa sugo iyang superior, si Juniper misulti ngadto sa tawo nga nagkinahanglan nga siya dili makatugyan sa iyang sapot,apan dili siya magpanuko sa pgtugyan niini kon ugaling iya kining kuhaon. Wala madugay, ang mga prayles nasayod nga dili magbilin og mga sapot sa bisan unsang dapit sa lang pinuy-anan tungod sa tumang kahadlok nga si Junifer dili ra ba modumili sa pagtugyan niini kon ugaling kini kukaon.
Namatay si Junifer sa tuig 1258 ug gilubong sulod sa Ara Coeli Church didto sa Rome.
PAMALANDONG
Unsa may atong makat-onan ni Juniper? Sa tinuoray gitayakan siya sa unsay nailhan isip Franciscan “characters.”
Diha sa pipila ka mga suginlanon kabahin kaniya aanay dakong pag-asenso diha sa ilang pagbalik-balik pag estorya niini. Bisan pa kon ang maong mga suginlanon kahin ni Juniper tingali og daw layo sa kamatuoran, ang iyang mga mithi naghubit og dakong kamatuoran. Siya mapaubsanon tungod kay nasayran niya ang kamatuoran mahitungod sa Dios, sa iyang kaugalingon, ug ingon man sa ubang mga tawo. Maantoson siya gumikan kay andamman siya sa pag-antos sa iyang pagsunod kang Jesus.
SUGYOT ,GA ANGAY AMPO-AN – alang sa dugang nga ABANTE sa lalawigan sa Bohol ug alang sa dugang nga ASENSO PA MORE sa Dakbayan sa Tagbilaran ug panangin sa mga nagdumala niini…