ni Jose “joesum” Sumampong, Jr.
ANG SAYSAY SA KAAGI
SA SANTOS KARONG ADLAWA
PEBRERO 12, 2022
Engraving of Saint Apollonia | J. Bein after Raphael
Saint Apollonia
Saint of the Day for February 12
(d. c. 249)
Saint Apollonia’s Story
Ang pagpanglutos sa mga Kristyano nagsugod sa Alexandria sa paghari ni Emperador Philip. Ang unang biktima gikan sa panon nga pagano mao ang tigulang nga lalaki nga si Metrius, kinsa gipaantos unya gipabato hangtud mamatay. Ang ikaduha mao ang midumili sa pagsimba sa ilang mga paganong larawan nga usa ka Kristyanong babaye nga si Quinta. Ang iyang mga pulong nakapasuko sa paganong panon, siya gikoronahan og mga tunok ug gilabay og bato.
Samtang kadaghanan sa mga Kristyano mibiya gikan sa dakbayan, nagsalikway sa ilang tanang mga kalibutanong katigayonan, usa ka tigulang nga babaye nga diakonia, nga si Apollonia, gidakop. Ang panon milatos kaniya diin ang tanan niyang mga ngipon nangapangag. Nagdaob og dakong kalayo sila ug gihadlok siya nila nga ilabay sa kalayo kon dili niya tonglohon ang iyang Dios. Mihangyo si Apollonia nga hatagan siyag diyutayng panahon, daw naghunahuna nga uyonan niya ang ilang sugyot, inay, milukso siya ngadto sa nagdilaab nga kalayo ug namatay nga usa ka martir.
Daghang mga simbahan ug mga altar nga gipasidungog kaniya. Si Apollonia giisip nga matrona sa mga dentista ug sa mga tawo nga may sakit sa ngipon ug gipangayoan siya nilag kaluoy. Gilarawan siyag nga may nagbitay nga bulawanong ngipon nga gikuwentas atubangan sa iyang liog. Si San Augustine mipatataw kabahin sa iyang pagboluntaryo isip usa ka martir nga kadto dinasig sa Espiritu Santo kay wala tugoti kita sa pagpakamatay.
PAMALANDONG:
Adunay pasiaw nga gibatonan sa simbahan! Si Apollonia gipasidungan nga matrona sa mga dentista – bisag napangag siya. Angayan unta siya maoy matrona sa mga mahadlok molingkod sa lingkoranan sa magpaibot og ngipon. Si Apollonia mahimo untang matrona sa mga tigulang, kay siya nakaabot man sa taas nga panuigon, nga lig-ong mibarog atubangan sa mga paglutos bisan kon ang kadaghanan mibiya gikan sa dakbayan. Hinoon, nagpabilin siya nga bililhong timaan sa usa ka maisogong pag-angkon sa pagtuo.
Si Santa Apollonia mao ang matrona mga: Dentista Gisakitan og ngipon
SUGYOT NGA PAHIDUNGDAN SA PAG-AMPO: