ni Jose “joesum” Sumampong, Jr.

ANG SAYSAY SA KAAGI

SA SANTOS KARONG ADLAWA 

FEBRUARY 26, 2023

Saint Maria Bertilla Boscardin

Statue of Santa Bertilla | facade of Church of Saints Peter and Paul, Cagnano, Italy | photo by Threecharlie

Saint of the Day for February 26

(October 6, 1888 – October 20, 1922)

Saint Maria Bertilla Boscardin’s Story

Kon may kasayoran ka kabahin sa pagsalikway /rejection, pagsaway / ridicule ug pagsimuyo / disappointment,mao usab kini ang nasinati sa santa karong adlawa.  Apan kining maong mga pagsulay mao hinoon ang nakagabay ni Maria Bertilla Boscardin nga haduol sa Dios ug sa pagpangalagad Kaniya. 

Natawo didto sa  Italy  sa tuig 1888, si Maria Bertilla nagpuyo nga may tumang kahalok sa iyang amahan, usa ka biolente nga tawo nga nagbaton og kasiloso ug kahubog. Ang iyang pagtuon sa tulunghaan may dakong limitasyon tungod kay kanunay siyang patabangon sa mga buluhaton sulod sa panimalay ug sa umahan. Nagpakita siyag pipila ka mga talent o kahibalo ug kanunay nga mopasiatab og mga pasiaw.

Sa 1904, miapil siya sa  Sisters of Saint Dorothy  ug gudestino siya sa pagtrabaho diha sa kusina, lutoanan sa pan ug sa labhanan. Unya, Si  Maria nakadawat og nurses’ training  ug mitrabaho sulod sa usa ka tambalanan nga nagaalima sa mga kabataan nga nasakit sa diphtheria. Didto nakaplagan sa maong batan-ong madre ang iyang matuod nga bokasyon: ang pag-alim sa mga kabataan nga hilabihang kamasakiton ug nadisturbo. Sa diha nga ang maong tamblanan, gidumala sa mga sundalo panahon sa World War I, si Sister Maria Bertilla walay kukahadlok nagpasdayon pag-alim sa mga pasyente taliwala sa nagpadayon nga mga pagpasngatake ug  pagpamumba.

Namatay siya sa tuig 1922 tapos sa pipila ka tuig nga pag-antos sa usa ka masakit nga tumor. Pipila sa mga pasyente nga iyang natambalan misalmot sa iyang  canonization niadtong tuig 1961.

PAMALANDONG

Ang santos niining adlawa nakasinati sa kalisdanan taliwala sa mga situwasyon nga anaa ang abuso. Mag-ampo kita nga siya motabang sa iyang mga pangamuyo nga anaay pag-antos nga nakasinati karon sa espituhanon,  sa panghunahuna ug lawasanon pag-abuso nga natagamtaman sa ilang mga kinabuhi.SUGYOT NGA PAHIDUNGDAN SA PAG-AMPO: motabang  si Santa Maria Bertilla sa iyang mga pangamuyo nga ang mga igsoon ta nga anaay mga nakasinatian karon sa espituhanon,  sa panghunahuna ug sa lawasnon pag-abuso nga mawagtang sa ilang mga kinabuhi…