Sinulat ni Elvira Bongosia
Gipagawas sa Civil Service Commission (CSC) ang implementing rules and
regulations (IRR) sa Republic Act (RA) No. 11701, nga naghatag ug night shift
differential pay sa mga empleyado sa gobyerno.
Matud pa sa CSC, ang nahisgotang balaod naghatag ug compensation premium sa
mga empleyado sa gobyerno, apil ang mga naa sa government-owned or controlled
corporations (GOCCs), nga naa sa positions/items sa Division Chief ug mas ubos o
katumbas niini, bisan unsa man ang status sa ilang appointment, nga ang opisyal
nga oras sa trabaho naa taliwala sa 6 p.m. ug 6 a.m. sa mosunod nga adlaw.
Ang premium ihatag usab sa mga nangatungdanan sa mga posisyon ug Division
Chief ug sa mas ubos o katumbas niini, nga gibutang isip Officers-in-Charge sa mga
posisyon sa executive/managerial kun sila nakatakdang sundon ang mga oras sa
trabaho taliwala sa 6 p.m. ug 6 a.m. sa mosunod nga adlaw.
“However, the law does not cover government employees with regular work
schedule falling between 6 a.m. and 6 p.m.; those whose services are required, or
are on call, 24 hours a day, such as the uniformed personnel and others as may be
determined by the CSC and the Department of Budget and Management (DBM); and
workers under job order or contract of service,” matud pa sa CSC.
Ang night shift differential pay angay naa sa rate nga dili molapas sa 20 porsyento
sa hourly basic rate sa empleyado, base sa awtorisasyon sa pangulo sa ahensya.
Sa kaso sa mga public health workers, ang rate dili angay mas ubos sa 10 porsyento
sa ilang matag oras nga basic rate.