Ni: Jes B. Tirol
Kiling 2, 2023
Diin Man Saulóga ang Baláang Panihápon?
Pasiuna
Ang upat ka Ebanghilyo sa Balaang Kasulatan mao ra ang naghisgot sa kasaysayan sa
kinabuhi ni Ginoong Hesukristo. Bisan pa niini, adunay kalahian sa mga gihisgutan sa maong mga basahon.
Ang Ebanghilyo ni San Mateo ug San Lukas adunay daghan nga sugilanon kabahin sa mga hitabo sa dayon nang paglansang sa atong Gino-o didto sa balabag.
Paghikay sa Dapít
San Lukas 22:1 “Karon duol na ang pangilin sa Pan nga Walay Patubò nga ginganlang Pasko. Ug ang mga pangulong pari ug ang mga Eskriba nangitag unsaon pagpatay kaniya (Si Jesus); kay nahadlok man sila sa mga tawo.”
Unyà si Satanas misulod kang Judas nga ginganlag Iscariote, nga usa sa napulogduha; ug migawas siya ug nakigsabot sa mga pangulong pari ug sa mga kadagkoan unsaon niya pagtugyan kang Jesus ngadto kanila.
Ug nangalipay sila ug miuyon paghatag kaniyag kwarta. Busà nisugot si Judas, ug nangita siyag higayon sa pagtugyan kang Jesus ngadto kanila nga dili mahibaloan sa mga tawo.
Pag-andam sa Panihapon sa Pasko
San Lukas 22: 7-13 “Unya miabot ang adlaw sa Pan Nga Walay Patubò, nga maoy iihaw sa kordero sa Pasko. Busà mipadala si Jesus kang Pedro ug kang Juan, nga nag-ingon, “Lakaw kamo ug andama ninyo ang Pasko alang kanatò, aron mangaon kita niini.”
Miingon sila kaniya, “Asa man ang buot nimo nga andamon namò kini?” “Siya miingon kanila, “Ania, inig sulod ninyo sa siyudad, sugaton kamog tawo nga nagdalag bunga sa tubig, sunda ninyo siya ngadto sa balay nga iyang sudlan, ug ingna ang tagbalay, ‘Ang magtutudio nag-ingon kanimo, hain man ang lawak sa mga bisita, diin pugakán-on ko ang Pasko dungan sa akong mga tinun-an.?” “Ug tudloan kamo niya og usa ka dako nga lawak sa itaas nga sangkap na; adto didto anadma ninyo.” “Ug milakaw sila ug nakit-an nila ingon gayod sa gisulti ni Jesus kanila, ug giandam nila ang Pasko.
Timang (Comment)
Atong mamatikdan nga adunay mga kalihokan si Gino-ong Hesukristo nga wala usab masayod ang iyang mga disipuló.
Si San Pedro ug si San Juan, nagpakisayod kun unsaon man nila pag-ilá sa tawo nga ilang pangitaon.
Giingnan ang mga tinun-an nga panid-i ang tawo inyong masugatan inig sulod ninyo sa dakbayan. Ang ilang pangitaon mao ang tawo nga magdala ug tubig nga gisulod sa bangå.
Bisan og wala sila makigbayloay og mga pulong, nakahibalo na si San Pedro ug San Juan gitumbok ni Gino-ong Jesus.
Niadtong panahona ang pagkawos og tubig mao ang kapusbúhat sa mga babaye. Talagsa ra ka makakita og lalaki nga magkawos og tubig. Busà sa dihang nakita nila ang tawo nga nagdala og banga nga may tubig, nasayod na sila nga mao na kadto ang ilang kauban.
Niadtong higayona gipangitâ na sa mga kasundalohan ug mga kadagkoan sa simbahan ang bahan ni Gino-ong Hesukristo.
Busá nagtagò sila sa hilit nga balay nga didto pagayod sila sa itass nga lawak.