Ni: Jes B. Tirol
Kiling 9, 2023
Kinsa Man Kadto Ang Batan-on Nga Nidagan Nakahubô?
Pasiuna
Daghan kaayo ang kasaysayan ni Gino-ong Hesukristo nga walâ mahisulat sa Balaan nga Kasulatan. Apan aduna usab ing daghan nga nahisulat nga walâ na lang nátò tagda. Ang usa niini mao ang gihisgotan sa Ebanghilyo ni San Markos kabahin sa usa ka batan-on nga lalaki nga naapil sa pagdakop ni Gino-ong Hesukristo. Kinsa man kadto siya?
San Markos
Ania ang nahisulat sa basahón ni San Markos anib 14 tudling 43 hangtod sa 53: (Kinutlò kini sa Ang Santos nga Bibliya, Edisyon Katolika.)
“Ug samtang si Jesus nagsulti pa, miabot si Judas ang Iscariote, usa sa napulogduha, ug uban niya ang daghang nga katawhan nga nagdala og mga pinuti ug mga bunal. Gikan sila sa punoang mga pari, ug sa mga magtutudlo sa balaod ug ang mga eskriba ug mga tigulang.”
“Si Judas mihatag kanilag tilimad-on, pag-ingon. “Siya nga akong hagkan mao ang tawong
inyong gipangita: dakpa siya ug dad-a ug bantayi ninyo siya pag-ayo. Ug sa iyang pag-abot,
niadto dayon siya kang Jesus ug miingon kaniya, “Mgtutudlò!” ug mihalok siya kaniya.
55 Ug ila siyang gidakop ug gikúptan pag-ayo. Apan usa niadtong nagbarog sa duol milanit
sa iyang pinuti ug mitigbas sa sulugoon sa labawng pari ug miputol sa iyang dalunggan. Ug
giingnan sila ni Jesus, “Nanganhi ingog batok og tulisan dala ang mga punuti ug mga puspos aron pagdakop kanakò?”
Adlaw nga tanan uban ako kaninyo sulod sa templo, nagtudlò, ug walâ ako ninyo dakpa. Apan karon matuman ang Kasulatan. Ug namiyà kaniya ang iyang mga tinun-an.
Tudling 51, “Ug ang usa ka lalaking batan-on misunod kaniyang walay laing bisti gawas sa habol tapot sa panit; ug ila siyang gidakop, apan siya, biniyaan ang habol, midagan nga hubô, layô kanila.
Tudling 53, “Ug gidala nila si Jesus ngadto sa labaw nga pari: ug ang tanang pangulong pari ug ang mga eskriba ug ang mga pangulo. Ug si Pedro misunod kaniya nga nagpaantaw lahos ngadto sa hawanan sa balay sa pangulong pari…”
Timang (Comment)
Ang katingalahan nga kasayoran nga gihisgotan mao ang kalit nga paghisgot sa usa ka batan-ong lalaki nga giapil pagdakop. Ang pangutana mao, “nganong igo man lamang siyang nagkupò og haból?”
Sa dihang gihawiran na siya sa mga sundalo, igò lamang siyang milísò ug milighot. Ang iyang habol ang nagunitan sa mga sundalo ug nidagan ang batan-on nga hubo ug walâ nay sininâ.
Unsa may buót ipasabot sa maong hitabô? Unsa man diay ka mahinungdanon kining
tawhána?
Kun mahinungdanon man siya, nganong walâ man siya hingánli? Atong hinumdoman nga ang sulugoon sa labawng pari kansang dalunggan na putol ug gibalik ni Gino-ong Hesukristo, adunay ngalan nga si Malko (Eng: Malchus) [San Juan 18:10].
Daw adunay lain nga sugilanon nga buot ipasabot tungod kay ang mga alabay (disciple) ni Hesukristo gisugò man sila nga pangitaon ang usa ka tawo nga nagkalos ug tubig. Ang pagkalos ug tubig buluhatón sa usa ka babaye busà sayon ra pangitaon ang lalaki nga magkalos ug tubig.
Usab walâ pod ihatag ang nga langan sa lalaki nga nagdala og tubig ug wala usab ihatag ang ngalan sa tag-iya sa balay diin mahitabo ang “Kataposang Panihapon” apan gihatag ang ngalan sa tag-iya sa lubnganan ug ang ngalan sa sundalo.
Ang dako nga pangutana mao nga nganong wala may labot sa sugilanon sa Balaan nga Pitlaw ang lalaki nga nidágan nga naghúbô?