Nakadawat sa ilang Transitory Family Package Support
niadtong June 29, 2023 ang mga 39 ka kwalipikadong
mga benepisyaryo ug sakop sa ika-duhang hut-ong sa
“Balik Probinsya Bagong Pag-asa Program” atol sa
payout nga gihimo. Kining maong mga nakadawat, mga
Bol-anon kini nga mga pamilya gikan sa dagkalain-laing
mga dakbayan ug lungsod gawas sa Bohol panahon sa
pandemya sa Covid 19 nga mihukom nga mubalik ug
dinhi na mopuyo sa atong lalawigan, ilabi na sa lungsod
sa Buenavista. Gipadayon kining maong programa
pinaagi sa pagtugot ni Sec. Rex Gatchallian. Tungod
niini, ang lungsod sa Buenavista nagpasalamat ug daku
niining mosunod: DSWD Regional Director Shalaine
Marie Lucero tungod sa iyang gihatag nga kahigayonan
alang sa BP2P; sa mga disbursing officers nga sila si
DSWD staff Kristine Repaso (naa sa tuo nga bahin sa
hulagway); ug Sir Lorenz Pacensia (naa sa wala nga
bahin sa hulagway); sa among buotan ug matinabangon
nga mayor nga si Atty. Dave Duallo (nagbarog sa
taliwala nga bahin sa hulagway); mga myembro sa
Buenavista Sangguniang Bayan nga misuporta usab sa
maong proyekto; mga kawani sa Buenavista MSWD; ug
sa BP2P focal person nga si Arah Jacaba nga daku
kaayo ug tabang sa maong kalihukan. Contributed photo