BY Jose “joesum” Sumampong, Jr.
ANG SAYSAY SA KAAGI
SA SANTOS KARONG ADLAWA
SEPTIYEMBRE 10, 2023
Si Nicholas Gurutti natawo sa 1245 didto sa
Sant’Angelo, Pontano, Macerata, Italy. Ang iyang
banay mga kabos.
Misulod siya sa Augustinian Order samtang usa
pa ka batan-on, tapos iyang namatian ang usa ka
wali ni Reginaldo da Monterubbiano, nga mao
ang Prior (local superior) sa Augustinian
monastery didto sa Sant’Angelo.
Isip usa ka pari ug rehiliyoso, tugob siya sa
pagkamanggihatagon ngadto sa iyang mga
igsoong Augustinians ug ngadto sa katawhan
nga iyang gialagaran. Nagduaw siya sa mga
masakiton ug nag-alim sa mga nanginahanglan.
Naila siya pag-ayo sa kaanindot sa iyang pagwali
sa Ebanghelyo. Naghatag siya og talagsa-ong
pagtagad niadtong mibiya ug nagpalayo sa
Simbahan. Ang katawhan nakadayeg kaniya isip
tig-buhat og mga milagro. Siya makanunayong
nagpuasa ug nagbuhat sa mga penitensya,
naggugol siya og hataas nga panahon sa pag-
ampo.
Adunay saysay nga nag-ingon nga usa niana ka
higayon tapos sa pagpuasa sulod sa taas nga
panahon, si Nicholas nagkaluya, samtang siya
nag-ampo, si Jesus misugo kaniya pagkaon og
ipila sa buok pan nga may timaan sa krus ug
iyang ituslob sa tubig aron mahibalik ang iyang
kahimdog. Mao kini ang sinugdan sa kustombre
sa mga prayles nga Agustino sa pagpanalangin
og mga pan o Saint Nicholas Bread ug pag-apod-
apod niini ngadto sa mga tawo agi og
paghandum kaniya.
5
Laing suginlanon nagsaysay nga si Nicholas,
samtang natulog ibabaw sa iyang katre,
nakadungog og tingog sa usa ka namatay nga
prayle nga suod kaniya ug naghanyo nga
magmisa siya alang sa iyang kagawasan gikan
sa purgaturyo ug sa daghang pang mga kalag
nga atua pa didto aron kini sila bayawon na
ngadto sa langit. Si Nicholas nagsaulog niini
sulod sa pito ka mga adlaw. Ang maong prayle
namulong pag-usab pagpasalamat kaniya ug
nagtaho nga daghang mga kalag atua nas sa
langit tungod sa paghalad kaniya og Santos nga
Misa. Tungod niini giproklamar si Saint Nicholas
isip patron sa mga kalag sa purgaturyo.
Sa iyang kinabuhing hamtong, si Nicholas
nagpuyo didto sa Tolentine, Italy. Didto siya
namatay kaniadtong Septiyembre 10, 1305. Ang
iyang kanonisasyon gisaulog kaniadtong tuig
1446 nga gipangaulohan kang Pope Eugene IV. Si
Nicholas mao ang labing unang Augustinian friar
nga giilang Santos tapos nidtongtong Grand
Union of the Order of St. Augustine sa tuig 1256.
Ang iyang mga kabilin gipreserbar didto sa
Shrine of Saint Nicholas sa dakbayan sa
Tolentine.
Si Saint Nicholas mao ang Santos nga patron sa
mga:
1.Souls of purgatory / kalag sa purgaturyo.
2.against epidemic disease and against fires /
kontra sa epidemiya ug konytra sa sunog
6
PAMALANGONG
Ang kaagi ni San Nicolas de Tolentino nagtug-an
kanato kon unsay mga kahimanan nga angay
natong sagopon sa atong pagkaKatoliko nga
mao ang pag-ampo, pagpuasa, pagpenitensya,
yano o simple nga pagpuyo, ug pagpangalagad
sa atong mga kaigsuonan – sa laktod nga
pagkasulti – ang pagsunod sa mga panig-ingnan
ni Kristo. Mao nga ang atong kahiusahan sa mga
Santos adunay dakong kabahin sa atong pagtuo
kay pinaagi sa ilang mga pag-ampo ngadto sa
makagagahum nga Dios ug sa ilang panag-
ingnan sila may halapad nga papel sa atong
pagtukod ug pagkab-ot sa gingharian sa Dios.
Dinhi sa lalawigan sa BOHOL, karong adlawa
mao ang kapyestahan sa lungsod ug parokya sa
San Nicholas de Tokentine sa Dimiao.
SUGYOT NGA PAHIDUNGDAN SA PAG-AMPO: