Ni Padre Jose “joesum” Sumampong, Jr.

ANG SAYSAY SA KAAGI
SA SANTOS KARONG ADLAWA
DISYEMBRE 3, 2022

Saint of the Day for December 3
(April 7, 1506 – December 3, 1552)
Saint Francis Xavier’s Story

Si Jesus nagkanayon, “What profit would there be for one to gain
the whole world and forfeit his life?” (Matthew 16:26a). Kining mga
pulonga gilitok ngadto sa usa ka batan-ong magtutudlo sa
philosophy kinsa nagbaton og usa ka dan-ag ug malaumong
kaugmaon nga nagdala og saad sa iyang panggibuhaton sa pagka-
magtutudlo, uban sa kalampusan ug taas nga dungog nga iyang

2
gilantaw sa iyang kinabuhi. Si Francis Xavier, 24 ang iyang edad
niadtong panahona, nga nagpuyo didto sa Paris, wala mohatag og
kabililhon niining maong mga pulong. Gipamulong kini sa iyang
usa ka suod nga higala nga si Ignatius of Loyola, kinsang walay
kakapoy nga tambag sa dili madugay nakapaduol ni Francis kang
Kristo. Si Francis misugod sa ehersisyong espirituhanon / spiritual
exercises ubos sa direksyon kang Ignatius, ug niadtong tuig 1534,
misalmot sa iyang gamay ug bag-o nga katilingban, ang Society of
Jesus. Didto sa bukiran sa Montmartre, sila nanaad sa pagpuyo sa
kinabuhing kabos / poverty, kaputli o dili pagminyo / chastity, ug
pagsugot / obedience, ug pagbuhat sa pangalagad nga
apostolikanhon / apostolic service sumala sa mga mando sa Santo
Papa.

Gikan sa Venice, din giordenahan siya nga pari niadtong 1537, si
Xavier miadto sa Lisbon ug didto nanukad siya padulong sa East
Indies, mitumod sa Goa, nga anaa nahimutang sa west coast of
India. Sulod sa mosunod nga napulo ka mga tuig naningkamot
siya sa pagdala sa pagtuo ngadto sa mga nagkatakagtakag nga
katawhan sama sa mga Hindus, the Malayans, ug mga Japanese.
Migugol siya og hataas nga panahon didto sa India, diin iyang
gialagaran ang bag-ong namugna nga Jesuit province of India.

Sa bisan asang dapit siya mahibot, si Xavier mupuyo uban sa
labing kabos nga mga katawhan, nakigsalo sa ilang mga pagkaon
ug nakig-uban sa mga kahimtang sa ilang matang sa panimuyo.
Iyang gigugol ang dili maihap nga mga takna alang sa
pagpangalagad ngadto sa mga masakiton ug mga kabos, labi na
kanilang natakboyan sa sakit nga sangla. Sa daghang higayon
wala siyay igong panahon sa paghinanok aron pagtulog, bisan

3
gani sa pagbasa sa iyang brebiaryo / breviary apan, sumala sa
atong mabasa sa iyang daghang mga sulat, siya natingban
kanunay sa tumang kalipay.

Si Xavier milatas sa mga isla sa Malaysia, unya nahiabot didto sa
Japan. Nakat-onan niya ang pinulongang Japanese aron iyang
mawalihan ang mga simpleng katawhan, matudlo-an, ug
mabunyagan, ug pagtukod og mga misyon alang kanilang
misunod kaniya. Gikan sa Japan naglantaw siya nga mahibot sa
China, apan wala kini katumanan. Una siya mihiabot sa mainland,
gikahimamat niya ang dili malikayang kamatayon. Ang iyang
lubong gipahimutang sulod sa Church of Good Jesus didto sa
Goa. Siya ug uban kang Saint Thérèse of Lisieux gipasiduggan
isip  co-patrons of the missions niadtong tuig 1925.

Si Saint Francis Xavier maoy Santos nga Patron sa:

Japan
Jewelers / mga magmumutya
Missions / mga misyon
Sailors / mga maglalawig, marinero, sakayanon

PAMALANDONG

Ang tanan kanato gitawag “to go and preach to all nations—see
Matthew 28:19. Ang atong mga pagwali wala manginahanglan nga
nabuhat nato didto sa malayong mga baybayon apan ngadto
hinoon sa atong kaugalingong mga banay, mga anak, atong
kapikas sa kinabuhi, mga kauban sa buhat, mga kasilanganan.
Gitawag kita pagwali dili sa atong mga pulong, apan pinaagi sa

4
kinabuhi nga atong gipuy-an. Pinaagi sa sakripisyo, ang pagdumili
sa tanan nga magapatigum kanato sa linaog nga kabuluhanan, nga
si Francis Xavier gawasnon nga modala sa Maayong Balita
ngadto sa kalibutan, ang kaanindot sa pagtabang niadtong
nagkinahanglan, ang katahom sa pagpaminaw sa usag-usa, ang
kadalaygon sa paghalad og pag-ampo. Ang kinadakoan nga
ikagasa sa atong panahon, si Francis Xavier midalit sa iyang
kaugalingon ngadto sa uban. Ang gasa nga labing bililhon nga
atong ikahatag mao ang panahon ug kahigayonan ngadto sa
ubang tawo.

SUGYOT NGA AMPO-AN – Nga mabatonan kanato ang pagdumili
sa kaugalingon ug pagpuyo alang sa uban….