Ang Tawag
Ni Padre Jose “joesum” Sumampong, Jr.
—————————————————————
ANG SAYSAY SA KAAGI
SA SANTOS KARONG ADLAWA
DISYEMBRE 31, 2021
Saint Sylvester I
Head reliquary of Pope Sylvester I. | photo by Marie-Lan Nguyen
Saint of the Day for December 31
(d. 335)
Saint Sylvester I’s Story
Sa panahon nga imong hunahunaon kining maong papa, imo usab nga mahunahunaan ang Edict of Milan, ang pagkahimugso sa Simbahan, ang mga katakomba / catacombs, ang katukoran sa mga inilang basilika—Saint John Lateran, Saint Peter’s, ug uban pa—the Council of Nicaea, ug ubang halandumong panghitabo. Apan ang kadaghanan niini, kini sila gilaraw ug nahimo gumikan kang Emperor Constantine.
Usa ka dakong tinubdan sa mga sugidlanon / legends mitubo sa linalang kinsa maoy papa niadtong labing mahinundanong panahon, apan dyutay lang ang matino subay sa kasaysayan. Apan atong mapamatud-an nga si Sylvester I mao ang papa gikan niadtong tuig 314 hangtud sa tuig 335, ang tuig nga siya namatay. Atong mabasa sa saysay, nga mapaniguro nato nga ang labing kusgan ug puno sa kaalam nga pangulo ang hinungdan sa pagpabilin gawasnon ang Simbahan atubangan sa bun-og sa inpluwensya ni Emperor Constantine. Sumala sa kadaghanan, ang ka-obispohan nagpabiling masinugtanon sa papa ug mitaho sa ilang kasubo ngadto kang Sylvester alang sa mgamahinungdanong lakang ubos sa hangyo ni Constantine.
PAMALANDONG
Nagkinahanglan og lawom nga pagpa-ubos ug maisogon nga pakigbisog sa pag-atubang sa mga pagsaway alang sa usa ka pangulo sa malig-ong pagbarog sa unsay angayan ug tiunay ug ang pag-angkon nga ang mga panghitabo lumalabay lang, kon ipadayag ang usa ka awtoridad nga mosangko sa dili-mapuslang kaguliyang ug kalibog. Si Sylvester nagtudlo og bililhong pagtulun-an ngadto sa nangulo sa Simbahan, mga politiko, mga ginikanan, mga nangulo sa nagkadaiyang pundok, ug uban pa nga naghupot og awtoridad.
SUGYOT NGA AMPO-AN – Nga makabaton kita og mga pangulo nga maantigong modawat og mga pagsaway ug sugyot gikan sa ilang mga ginsakopan alang sa katagbawan ug kalipay sa mabagang hut-ong sa katilingban….