Ni Padre Jose “joesum” Sumampong, Jr.
—————————————————————
ANG SAYSAY SA KAAGI
SA SANTOS KARONG ADLAWA
ENERO 7 , 2024
Saint Raymond of Peñafort
Image: Saint Raymond of Peñafort’s Miracle by Jacopo Ligozzi | photo by Sailko
Saint Raymond of Peñafort
Saint of the Day for January 7
(1175 – January 6, 1275)
Saint Raymond of Peñafort’s Story
Tungod kay si Raymond nabuhi hangtod sa usa ka gatos ka katuigan, aduna siyay daghan nga nabuhat. Isip sakop sa dalaygon nga kastila, may mga kasangkapan siya ug nakab-ot niya ang nindot nga edukasyon aron may igong puhonan sa kinabuhi.
Sa nag edad siya og 20, magtutudlo na siya sa pilosopiya. Samtang bag-o ba siyang nakatungtong sa ika-30 anyos, nakab-ot na niya ang pagka doktor sa pamalaod sa sibil ug kanon. Sa edad nga 40 nahimo diyang Dominican. Gitawag siya ni Papa Gregory IX pag-adto sa Roma aron motrabaho uban kaniya ug mahimo nga iyang konpesor. Usa sa mga butang nga gupabuhat kaniya mao ang pagtapok sa tanang mga dekreto sa mga nanglabayng mga Santo Papa ug mga Konseho nga gigimo sulod sa 80 ka mga tuig, susama sa gihimo ni Gratian. Si Raymond nakahan-ay og lima ka mga libro nga gitawag og Decretals. Usa kadto ka kina han-ayan nga nga nahipos o kolektion sa mga balaod sa Simbahan hangtod nga nahitabo ang 1917 codification of canon law.
Sa laing sayo-sayong panahon, si Raymond nagsulat alang sa mga confessors og usa ka libro nga mahimong katin-awan sa mga kaso. Gitawag kadto og Summa de Casibus Poenitentiae. Labaw pa kay listahan sa mga sala ug unsay angayng isangon nga penitensya, naghisgot kadto sa mga doktrina ug pamalaod sa Simbahan nga naglakbit sa mga situwasyon sa suliran nga gidala nadto sa kumpisalan.
Sa edad nga 60, si Raymond gitudlo nga arsobispo sa Tarragona, ang kapital sa Aragon. Wala siya mahimuot sa maong pasidungog nga maoy nakapasakit kaniya ug miritiro sulod sa duha ka tuig.
Wala niya maangkon ang kalinaw sa iyang kinabuhi kay sa edad nga 63 napili siyang puno-an sa tanang Dominican, magsusunod ni Santo Dominic. Si Raymond may tumang paningkamot sa pagtuman sa iyang tahas, miduaw siya sa tanang Dominicans nga nagtiniil sa paglakaw, mihan-ay sa ilang konstitusyon ug misukip sa probisyon nga tugutan ang master general pag retiro. Tapos kauyoni ang konstitusyon, si Raymond, niadto 65, retiro.
Aduna pa siyay 35 ka mga tuig sa pakigbatok sa heresiya ug pagdani sa mga Moors sa Spain. Giagni niya si Santo Thomas Aquinas pagsulat sa Against the Gentiles.
Sa edad nga 100 ka tuig, ang Ginooo mitugot nga si Raymond miritiro sa tanan niyng gibuhat. Niadtong panahona siya namatay.
PAMALANDONG
Si Raymond usa ka abogado ug Kanonista. Ang pagka-legalista makapakunhod sa kinabuhi sa matuod nga rehiliyon kon mao kini ang hatagan sa dakong pagtagad – ang letra sa balaod inay kay ang espirito ug tuyo sa balaod. Ang balaod nahimong katumanan sa iyang kaugalingon, ang bili sa balaod nakalimtan. Kinahanglan mag-ampimg kita nga miadto sa opposite extreme ug motan-aw sa balaod nga walay hinungdan o ato lang ibali-wala. Ang balaod nagtan-aw sa unsay labing maayo alang sa kadaghanan ug paniguroon nga ang interes sa tanan kapanalipdan. Gikan kang Raymond, makat-onan nato nga pagtahod sa balaod mahinungdanon isip kahimanan alang sa kaayohan sa tanan.
Si San Raymond of Peñafort maoy Patron sa mga:
Abogado
SUGYOT NGA AMPO-AN NGA MAKABATON KITA OG MGA BALAODNON ALANG SA KAAYOHAN SA TANAN…