Ni Padre Jose “joesum” Sumampong, Jr.
—————————————————————
ANG SAYSAY SA KAAGI
SA SANTOS KARONG ADLAWA
ENERO 21 , 2024
Saint Agnes
Image: Mosaic of Saint Agnes of Rome | Haarlemmermeerplein, Amsterdam | flickr
Saint Agnes
Saint of the Day for January 21
(d. c. 258)
Saint Agnes’ Story
Wala kitay nasayran mahitungod niining maong santa gawas nga siya hilabihan sa kabatan-on – 12 o 13 – sa dihang siya gipatay nga martir sa katapusang tunga sa ika-3 nga siglo. Nagkadaiyang pamaagi sa pagpatay gisugyot – paglunggo sa ulo, pagsunog, pagluok.
May kasugiran nga si Ines maoy usa ka maanyag nga babaye nga may daghang mga batan-ong lalaki ang buot mangasawa kaniya. Usa niini nga iyang gibalibaran, misumbong mahitungod sa iyang pagka-Kristyano ngadto sa mga awtoridad. Si Ines gidakop ug gobilanggo sulod sa balay sa mga babayeng nagbaligya sa ilang dungog. Ang kasugiran miingon nga kadtong maong batan-on, nga may inulag nga pagtan-aw, nakabsan sa iyang kahimanan sa pagtan-aw ug naalim sa iyang sakit gumikan sa mga pangaliya nga gilitok ni Ines. Si Ines gikondenar, gipatay ug gilubong haduol sa Roma sulod sa katakomba nga gingalan ngadto kaniya. Ang anak nga babaye ni Constantino mitukod og basilika alang sa pagpasidungog kang Ines.
PAMALANDONG
Susama kang Maria Goretti sa ika-20 nga siglo, ang kamatayon sa batan-ong ulay nga babaye nakapahimo og lawom nga kadasig ngadto sa katilingban nga naulipon sa paglantawng materyal. Usab sama kang Agata, nga namatay sa samang paagi, si Ines mao ang timailhan nga ang pagbalaan wala magsalig sa ka taas nga mga katuigan, kasinati-an o tawhanong paningkamot. Usa kini ka gasa nga gawasnong gitugyan sa Dios kanatong tanan.
Santa Ines mao ang matrona sa mga:
Babaye
Girl Scouts
SUGYOT NGA AMPO-AN NGA MAGHATOD OG MAANINDOT NGA KASINATI-N ANG ATONG MA GIRL SCOUTS…..