Ang Tawag 

Ni Padre Jose “joesum” Sumampong, Jr.  

—————————————————————

ANG SAYSAY SA KAAGI

SA SANTOS KARONG ADLAWA

PEBRERO 11 ,  2024

Image: Our Lady of Lourdes in Rosary Square – Lourdes | José Luiz Bernardes Ribeiro

Our Lady of Lourdes

 Saint of the Day for February 11

The Story of Our Lady of Lourdes

Niadyong  Disyembre 8, 1854, si Papa Pius IX 

miproklamar sa dogma of the Immaculate Conception pinaagi sa konstitusyon nga apostolikanhon Ineffabilis Deus. Ug pipila ka tuig ang miabot, sa  Pebruero 11, 1858, usa ka batan-on nga babaye mipakita ngadto kang Bernadette Soubirous. Mao kini ang sinugdanan sa nagsunodsunod nga mga talan-awon. Sa dihang may talan-awon sa  Marso 25, ang babaye mipaila pinaagi niining mga pulonga nga “I am the Immaculate Conception.”

Si Bernadette usa ka sakitan nga bata gikan sa kabos nga mga managtiayon. Ang ilang pagbansay sa pagtuong Katoliko dili maisip nga mainiton. Si Bernadette mahibalong moampo sa Amahan Namo, Maghimaya ka Maria ug Pagtuo. Nasayod usab siya sa pag-ampo sa Medalla Milagrosa, “O Mary conceived without sin.”

Sa panahon sa pakisusi, si Bernadette misaksi sa unsay iyang nakita nga usa ka puti nga hulma sa babaye. Gigamit niya ang pulong nga  “aquero”, nga sa ilang sinultihan nagkahulogan og  “this thing.” . Usa ka maanyag nga batan-ong babaye nga nagkupot og rosaryohan; ang iyang puti nga sapot gibalikosan og bakos nga may kolor nga blue, may pandong nga puti ang iyang ulo.   Adunay kolor nga dalag (yellow) nga rosas sa matag tiil.  May gikobtan nga rosaryohan. Si Bernadette nakadayeg sa pormal nga paagi sa iyang pakigpulong. Mapaubsanon ang maong babaye ug miabiabi niya ug gipakitaan  niya siyag dignidad.

Pinaagi kang Bernedette, si Maria mitugyan og dugang nga kinabuhi sa pagtuo sa mga milyon ka katawhan. Ang katawhan miduaw sa Lourdes gikan sa lukop tibuok kalibutan. Sa  1862 ang awtoridad sa Simbahan miduso sa ka tiunay sa maong mga talan-awon ug miduso sa cult of Our Lady of Lourdes alang sa maong  diyosesis. Ang kapyestahan sa Our Lady of Lourdes gisaulog sa tanang mga dapit sa kalibutan niadtong 1907.

PAMALANDONG

Ang Lourdes nahimong dapit sa mga pilgrimahe ug kaayohan sa mga masakiton. Labaw sa tanan dapit sa pagtuo. Ang kadagkoan sa simbahan miila sa labaw sa  60 ka mga milagro, bisan pa nga tingali og mas labaw pa niini. Alang sa mga tawo nga may pagtuo dili kini ikatingala.Kini mao ang nagpadayon nga ministeryo ni Jesus sa pag-alim sa mga masakiton pinaagi sa mga milagro – nga karon pinaagi sa panabang sa iyang inahan. Daghan ang moangkon nga aduna pay daghang mga milagro nga nahitabo. Daghan sa mga nakaduaw sa Lourdes miuli balik sa ilang pinuy-anan nga nakasinati sa dugang nga kalig-on sa ilang pagtuo ug nagbaton sa kinaiya ug panglantaw pag-alagad sa Dios ug sa ubang mga tawo.

Aduna pay daghang mga tawo nga may pagduda sa mga talan-awon sa Lourdes. Tingalig ang labing nindot nga itaho ngadto kanila mao ang mga pasiuna sa pasundayag sa maputing tabel The Song of Bernadette: “For those who believe in God, no explanation is necessary. For those who do not believe, no explanation is possible.”

Ang Atong Mahal nga Birhen sa Lourdes mao ang Matrona sa:

Sakit sa Panglawas o masakiton

Dinhi sa lalawigan sa Bohol karong adlawa mao ang pyesta:

1. Sa lungsod ug parokya sa Dagohoy (Diyosesis sa Talibon)
2. Sa parokya sa Poblacion 2 (naila usab nga Our Lady of Lourdes o K of C) Tagbilaran City (Diyosesis sa Tagbilaran)

3.  

Pebrero 11, 

Our Lady of Lourdes.

(Birhen sa Lourdes) White.

World Day of the Sick

Fiesta of Our Lady of Lourdes (K of C) – Poblacion 2, Tagb. City

Adlawng Natawhan nila ni Fr. Desiderio Magdoza (1964) ug ni Fr. Saturnino Villapaz  (1966)

According to St. Bernadette, the visionary at Lourdes in 1858, the Virgin Mary proclaimed herself “The Immaculate Conception.”

PN Pope John Paul II designated 11 February as World Day of the Sick, “a special time of prayer and sharing, of offering one’s suffering for the good of the Church, and of reminding us to see in our sick brother and sister the face of Christ who, by suffering, dying and rising, achieved the salvation of humankind.” (Letter Instituting the World Day of the Sick, 13 May 1992, 3).

ANTIPONA SA PAGSUGOD

Maghimaya ka, santa nga ginikanan, hamiling Inahan sa Hari nga nagmando sa langit ug sa yuta hangtod sa kahangturan. (Sedulius)

The Gloria is said.

PAG-AMPO SA KATILINGBAN

      MAG-AMPO KITA

O Dios nga maluluy-on, tabangi ang kahuyang namo nga naghandum sa putli nga Inahan sa Dios, among Mahal nga Birhen Maria sa Lourdes. Itugot nga pinaagi sa panabang sa iyang pangama mobarog kami nga madaugon gikan sa among kadautan.

Kini among gipangayo pinaagi sa among Ginoong JesuCristo imong Anak, nga buhi ug hari uban kanimo ug sa Espiritu Santo, Dios nga usa hangtod sa kahangturan. Amen.

PAG-AMPO SA MGA GASA

O Ginoo, ang pagkatawo sa imong Bugtog Anak makatabang unta kanamo. Ang natawo gikan sa Birhen, nga wala makakubos hinonoa nakasantos sa tibuok nga kadungganan sa Inahan, sa pagluwas niya namo sa among mga kasal-anan, maghimo unta nga makapahimuot kanimo ang among mga gasa.

Kini among gipangayo pinaagi ni Cristo among Ginoo. Amen

BLESSED VIRGIN MARY II

Priest: Ang Ginoo maanaa kaninyo.

People: Maanaa usab kanimo.

Priest:  Ibayaw ang inyong mga 

             kasingkasing.

People: Amo nang gibayaw ngadto sa Ginoo.

Priest:  Magpasalamat kita sa 

            Ginoong atong Dios.

People: Angay ug matarong.

Santos nga Amahan, Dios nga tunhay ug makagagahum sa tanan, angay ug matarong gayod nga magadayeg kami sa mga kahibulongan sa imong grasya diha sa among pagpalandong s kahingpitan sa tanan nimong mga Santos.

Sa pagsaulog sa handumanan ni Maria kanunayng Birhen maoy dako namong kalipay ang paghimaya sa imong gugma alang kanamo diha sa mga pulong sa iyang awit sa pasalamat. Pagkahibulongan sa imong nabuhat sa tibuok kalibutan! Ang tanan nga kaliwat nagaambit sa imong gugma nga walay kinutoban. Sa imong pagsud-ong sa kamapaubsanon ni Maria imong alagad imo siyang gibayaw sa pagka-inahan sa Manunubos sa tanang katawhan, nga mao si Jesucristo among Ginoo.

Ug busa, uban sa mga anghel ug mga santos sa langit nagasangyaw kami sa imong himaya duyog sa ilang walay hunong nga pag-awit:

ANTIPONA SA PANGALAWAT

Bulahan ang tiyan ni Maria nga Birhen nga maoy nagsabak sa Anak sa Amahan nga walay katapusan.  (Lk. 11: 27)

PAG-AMPO HUMAN SA PANGALAWAT

           MAG-AMPO KITA

O Ginoo, kaming nangalawat sa langi-tnon nga sakramento, nangamuyo sa imong kaluoy. Kami nga nagpasidu-ngog paghandum kang Maria Kanu-nayng Birhen sa among pagsunod kaniya, makahimo unta pag-alagad ingon sa angay sa mga misteryo sa among kaluwasan.

Kini among gipangayo pinaagi ni Cristo among Ginoo. Amen.

For the use of today’s Parish Healing Mass as designated by the Pastor.

PAGHILOG SA MGA MASAKITON

P. Mga igsoon, mangamuyo kita ngadto sa atong Ginoo sa pag-ampo sa atong pagtoo alang sa atong mga igsoon nga masakiton; mangaliya kita nga mapaubsanon diha sa atong pag-ingon:

T. NANGAMUYO KAMI KANIMO, DUNGGA KAMI.

1.  Aron duawon unta sila nimo nga maloloy-on ug tabangan pinaagi sa santos nga HILOG. Mag-ampo kita:

2. Aron luwason unta sila nimo sa tanang dautan. Mag-ampo kita:

3. Aron hupayon unta nimo sa mga sakit ang tanang mga masakiton nga naghigda. Mag-ampo kita:

4.  Aron tabangan unta nimo sila nga nagsilbe sa mga masakiton. Mag-ampo kita:

5.   Aron luwason nimo sila sa sala ug sa tanang tental.  Mag-ampo kita:

6.  Aron hatagan mo untag kinabuhi ug kaluwasan sila nga pandongan namo sa kamot diha sa imong ngalan. Mag-ampo kita:

Unya ang pari mopandong sa iyang mga kamot ibabaw sa ulo sa mga masakiton sa walay ipamulong.

BENDISYON SA LANA

Kon ang pari, sumala sa n. 21 mobendisyon sa Lana sulod sa Rito, mopadayon siya aron pagbendisyon sa Lana:

Mag-ampo kita.

O Dios, Amahan nga maghahatag sa tanang kahupayan, nga nagbuot ka sa pagtambal sa mga balatian sa mga masakiton pinaagi sa imong Anak, patalinghogi nga maloloy-on ang pag-ampo sa mga nagtoo kanimo.

Ipadala ang imong Espiritu Santo ang Parakleto gikan sa langit nganhi niining lana nga gihimo mo gikan sa kahoy nga lunhaw alang sa kaayohan sa lawas, aron tungod sa santos nimong panalangin ✠ mahimo kini alang sa tanang hilogan niining lana, nga panalipod sa lawas, sa kalag ug sa espiritu alang sa paghupay sa tanang kaguol, sa tanang balatian ug sa tanang sakit.

Santosa, Ginoo, alang kanamo ang imong lana nga imong gibendisyonan.

Sa ngalan ni Jesucristo among Ginoo, nga buhi ug hari uban kanimo hangtod sa kahangturan. Amen.

Apan kon ang lana gibendisyonan na, bungaton kining pag-ampo sa pagpasalamat diha sa maong lana:

P. Daygon ikaw Dios Amahan nga makagagahom sa tanan nga tungod kanamo ug sa among kaluwasan mipadala sa imong Anak nganhi sa kalibutan.

T. Daygon ang Dios.

P. Daygon ikaw Dios bugtong nga Anak, nga sa pagkunsad nganhi sa among kinaiyang tawhanon, mibuot ka pag-ayo sa among mga sakit.

T. Daygon ang Dios.

P. Daygon ikaw, O Dios, Espiritu Santo nga Manlalaban, nga naglig-on sa kahuyang sa among lawas pinaagi sa gahom nga way kataposan.

T. Daygon ang Dios.

P. O Ginoo, ang imong sulugoon, nga mahilogan diha sa pagtoo niining santos nga lana, mahimo untang takos nga magaanan sa iyang mga kasakit ug mahupay diha sa iyang mga balatian. 

      Kini among gipangayo pinaagi ni Cristo among Ginoo. Amen.

SANTOS NGA PAGHILOG

Unya ang pari mokuha sa sagrado nga Lana ug mohilog sa masakiton diha sa agtang ug mga kamot samtang moingon siya sa makausa:

P. Pinaagi niining santos nga Hilog, ug sa iyang mahigugmaong kalooy tabangan unta ikaw sa Ginoo pinaagi sa grasya sa Espiritu Santo. Amen.

P. Aron human mapasaylo sa mga sala, maluwas ikaw ug matabangan niya nga maloloy-on. Amen.

Unya mobungat siya sa Pag-ampo:

MAG-AMPO KITA

Atimana, Manunubos namo, pinaagi sa grasya sa Espiritu Santo, ang mga kasakit niining masakiton, ug ayoha ang iyang mga balatian. Pasayloa ang iyang mga sala, ingon man wagtanga ang tanang mga sakit sa iyang kalag ug lawas.

Kaniya iuli nga maloloy-on ang hingpit nga kaayohan sa sulod ug sa gawas, aron human maayo tungod sa panabang sa imong kalooy mahibalik siya sa daan niyang mga bulohaton.

Kini among gipangayo pinaagi kanimo nga buhi ug hari hangtod sa kahangturan. Amen.

OR:

MAG-AMPO KITA

Ginoong JesuCristo, nga mibuot ka pagsul-ob sa kinaiya sa among lawas aron maluwas mo ang tawo ug mamaayo ang iyang mga balatian, tan-awa nga maloloy-on kining imong mga alagad, nga angayng ayohon sa kalag ug lawas, aron sila nga among gihidhiran sa santos nga Hilog diha sa imong ngalan, lig-onon mo sa imong gahom ug lipayon sa imong panabang.

Pinaagi niini mahiuli unta ang ilang mga kusog ug mahinginlan ang dautan (ug tugotan mo nga gikan sa kamabungahon sa ilang mga kasakit, molaum sila nga gibut-an sa pag-ambit sa imong Pagpasakit).

Kini among gipangayo pinaagi kanimo nga buhi ug hari hangtod sa kahangturan. Amen. 

SOLEMN BLESSING

P. Ang Amahan sa kaluoy manalangin kaninyo pinaagi sa pangaliya sa bulahang Birhen Maria, pinaagi kang kinsa mipili siya pag-alim sa kalaglagan sa unang ginikanan.

T. Amen.

P.  Ang atong Ginoong JesuCristo, nga diha sa tiyan ni Maria nahimong atong igsuon ug manunubos, magluwas kaninyo sa inyong kasal-anan.

T. Amen.

P. Ang Espiritu Santo magdugang diha kaninyo sa mga grasya sa tinuod nga pagtuo ug paglaum sa langit, aron magpuyo kamo kanunay sa mga paagi sa Ebanghelyo ug makadangat kamo sa inyong tunhay nga puloy-anan.

T. Amen.

P. Manalangin kaninyo ang Dios Makagagahom sa tanan, ✠ ang Amahan, ang anak ug ang Espiritu Santo. 

T. Amen.

Image: Our Lady of Lourdes in Rosary Square – Lourdes | José Luiz Bernardes Ribeiro

Our Lady of Lourdes

 Saint of the Day for February 11

The Story of Our Lady of Lourdes

Niadyong  Disyembre 8, 1854, si Papa Pius IX 

miproklamar sa dogma of the Immaculate Conception pinaagi sa konstitusyon nga apostolikanhon Ineffabilis Deus. Ug pipila ka tuig ang miabot, sa  Pebruero 11, 1858, usa ka batan-on nga babaye mipakita ngadto kang Bernadette Soubirous. Mao kini ang sinugdanan sa nagsunodsunod nga mga talan-awon. Sa dihang may talan-awon sa  Marso 25, ang babaye mipaila pinaagi niining mga pulonga nga “I am the Immaculate Conception.”

Si Bernadette usa ka sakitan nga bata gikan sa kabos nga mga managtiayon. Ang ilang pagbansay sa pagtuong Katoliko dili maisip nga mainiton. Si Bernadette mahibalong moampo sa Amahan Namo, Maghimaya ka Maria ug Pagtuo. Nasayod usab siya sa pag-ampo sa Medalla Milagrosa, “O Mary conceived without sin.”

Sa panahon sa pakisusi, si Bernadette misaksi sa unsay iyang nakita nga usa ka puti nga hulma sa babaye. Gigamit niya ang pulong nga  “aquero”, nga sa ilang sinultihan nagkahulogan og  “this thing.” . Usa ka maanyag nga batan-ong babaye nga nagkupot og rosaryohan; ang iyang puti nga sapot gibalikosan og bakos nga may kolor nga blue, may pandong nga puti ang iyang ulo.   Adunay kolor nga dalag (yellow) nga rosas sa matag tiil.  May gikobtan nga rosaryohan. Si Bernadette nakadayeg sa pormal nga paagi sa iyang pakigpulong. Mapaubsanon ang maong babaye ug miabiabi niya ug gipakitaan  niya siyag dignidad.

Pinaagi kang Bernedette, si Maria mitugyan og dugang nga kinabuhi sa pagtuo sa mga milyon ka katawhan. Ang katawhan miduaw sa Lourdes gikan sa lukop tibuok kalibutan. Sa  1862 ang awtoridad sa Simbahan miduso sa ka tiunay sa maong mga talan-awon ug miduso sa cult of Our Lady of Lourdes alang sa maong  diyosesis. Ang kapyestahan sa Our Lady of Lourdes gisaulog sa tanang mga dapit sa kalibutan niadtong 1907.

PAMALANDONG

Ang Lourdes nahimong dapit sa mga pilgrimahe ug kaayohan sa mga masakiton. Labaw sa tanan dapit sa pagtuo. Ang kadagkoan sa simbahan miila sa labaw sa  60 ka mga milagro, bisan pa nga tingali og mas labaw pa niini. Alang sa mga tawo nga may pagtuo dili kini ikatingala.Kini mao ang nagpadayon nga ministeryo ni Jesus sa pag-alim sa mga masakiton pinaagi sa mga milagro – nga karon pinaagi sa panabang sa iyang inahan. Daghan ang moangkon nga aduna pay daghang mga milagro nga nahitabo. Daghan sa mga nakaduaw sa Lourdes miuli balik sa ilang pinuy-anan nga nakasinati sa dugang nga kalig-on sa ilang pagtuo ug nagbaton sa kinaiya ug panglantaw pag-alagad sa Dios ug sa ubang mga tawo.

Aduna pay daghang mga tawo nga may pagduda sa mga talan-awon sa Lourdes. Tingalig ang labing nindot nga itaho ngadto kanila mao ang mga pasiuna sa pasundayag sa maputing tabel The Song of Bernadette: “For those who believe in God, no explanation is necessary. For those who do not believe, no explanation is possible.”

Ang Atong Mahal nga Birhen sa Lourdes mao ang Matrona sa:

Sakit sa Panglawas