Ang Tawag
Ni Padre Jose “joesum” Sumampong, Jr.
—————————————————————
ANG SAYSAY SA KAAGI
SA SANTOS KARONG ADLAWA
HUNYO 2, 2024
Stained glass window of Saints Peter and Barnabas in the cathedral of Saint Corentin| photo by Thesupermat
Saint Barnabas
Saint of the Day for June 2
(c. 75)
Saint Barnabas’ Story
Si Barnabas, usa ka Judio sa Cyprus, nahimutang nga haduol sa 12 nga mga apostoles. Kini siya nakig-uban ni San Pablo.Siya mao ang mipaila ni Paul ngadto nila ni Peter ug uban pang mga apostoles. Siya usab ang nagpatiwala/mediator tali kang Paul, ang kanhiay naggukod sa mga Kristyano ug ang mga madudahon pa nga mga Judiong-Kristohanon.
Sa dihang ang katilingbang Kristohanon naumol na didto sa Antioch, si Barnabas gipadala isip opisyal nga tinugyanan sa simbahan sa Jerusalem aron mahisakop ang mga taga-Antioch sa panon. Sila si Barabas ug Paul maoy nagtudlo didto sa Antioch sulod sa usa ka tuig, tapos niadtong panahona nga sila mikuha og mga tambang-tampo/relief-contributions ngadto sa Jerusalem.
Sa dili madugay sila si Paul ug si Barnabas, nga niadtong higayona tataw nga nailhan nga mga gigasahang lider / charismatic leaders, gipadala sa mga kadagkuan sa Antioch aron pagwali ngadto sa mga hentil. Halapad nga kalampusan maoy korona sa ilang paningkamot. Human may usa ka milagro didto sa Lystra, ang katawhan buot nga mohalad kanilag sakripisyo isip mga dios—si Barnabas nga mao si Zeus, ug si Paul, Hermes—apan kini sila si Barnabas ug si Paul nagkanayon, “We are of the same nature as you, human beings. We proclaim to you good news that you should turn from these idols to the living God” (see Acts 14:8-18).
Apan, dili ang tanan giharian sa kalinaw. Giigihan sila gikan sa usa ka lungsod, miadto sila sa Jerusalem aron pagpatin-aw sa mga kontrobersiya kabahin sa tuli/circumcision, ug sa mga butang nga bisan ang labing suod nga managhigala may mga kalainan sa ilang gibarogan. Sa dihang si Paul buot nga moduaw’g balik ngadto sa mga dapit nga ilang giwalihan, si Barnabas buot nga ipa-uban ang iyang ig-agaw nga si John Mark, ang tigsulat sa Ebanghelyo, apan si Paul makusganong midumili gumikan kay si Mark mibiya man kanila sa usa ka higayon, mao nga dili siya angayan nga iuban kanila. Ang ilang panaglalis hilabihan ka mahait nga si Barnabas ug si Paul nanaglayo: si Barnabas midala kang Mark ngadto sa Cyprus, samtang si Paul mipauban kang Silas ngadto sa Syria. Hinoon sila sa kadugayan nagkauliay—Paul, Barnabas ug Mark.
Sa panahon nga si Paul mihagit kang Peter sa iyang pagdumili sa pagkaon uban sa mga hentil kay nahadlok siya kon unsay mahimong reaksyon sa iyang mga higala nga Judio. Nahibaloan nato nga bisan kining hitaboa nga “even Barnabas was carried away by their hypocrisy” (see Galatians 2:1-13).
PAMALANDONG
Kinsa kini si Barnabas? Usa nga mihalad sa iyang kinabuhi ngadto sa Ginoo. Aniay usa ka paglarawan kaniya: He was a man “filled with the Holy Spirit and faith. Thereby, large numbers were added to the Lord.” Bisan pa kon siya ug Paul gipalsyas gikan Antioch sa Pisidia—nga karon ang Turkey—sila “filled with joy and the Holy Spirit.”
Si Saint Barnabas maoy Santos nga Patron sa:
Cyprus
SUGYOT NGA PAHIDUNGDAN SA PAG-AMPO: