Baclayon Mayor Alvin Uy (4th from right) on June 14, 2024 wrote on his FB page: “Maajong balita para sa katawhan sa Libertad, Baclayon labi na sa Sitio Canguining. Nasabotan atol sa pagpanagtagbo didto sa City Mayor’s Office, kauban si Mayor Jane Yap ug Sir Chief Baba Yap, Engr. Noel Datahan, Engr. Teodoro Estoque, Dampas Punong Barangay Marlou Añana, Libertad Punong Barangay Gregorio Pag-ong, Libertad Kagawad Jacky Jacky Montoya, Engr. Gessa Opada – Daquio, Baclayon Municipal Planning and Development Coordinator (MPDC), ug Jeffrey Narisma, nga ang kanhi basurahan nga naa sa Dampas, pagatrabahoon na para maagian padung sa Libertad gikan sa Tagbilaran. Naay mga kondisyon nga gihatag sa Department of Environment and Natural Resources (DENR) pero tungod sa paningkamot ug sa pag apura ni Sir Chief Baba Yap, pagahimoon kini sa Tagbilaran sa labing dali nga panahon ug inubanan sa taman sa makaya nga suporta gikan sa Local Government Unit Libertad ug LGU Baclayon. Apil sa saad sa Libertad nga magabutang ug tanod ug paga awhagon ang tanang lumolupyo nga mabinantayon nga wa nay manglabay ug basura sa maong kanhi nga basurahan kay kini ang usa ka rason nga pwede pagaserhan ug balik ang maong kalsada. Kami nanghinaut nga magtinabangay ang tanan. Salamat kaajo Mayor Jane Yap ug Sir Chief Baba Yap ug sa City of Tagbilaran sa pagtabang ug sa paglantaw sa kaajohan sa lungsod sa Baclayon labi na sa katawhan sa Libertad. God bless us all. God bless Baclayon.” Contributed photo