Ang Tawag 

Ni Padre Jose “joesum” Sumampong, Jr.  

—————————————————————

ANG SAYSAY SA KAAGI

SA SANTOS KARONG ADLAWA

AGUSTO 18, 2024

 Stained glass representing St. Bernard of Clairvaux | photo by Jastrow (2006)

Saint Bernard of Clairvaux

Saint of the Day for August 18

(1090 – August 18, 1153)

Saint Bernard of Clairvaux’s Story

“Man of the century! Woman of the century!” Nasayran ta nga kini mao  ang panultihon nga atong gipahinungod sa daghanang  katawhan, kansang kaagi sa kinabuhi nakadala og dakong kadaugan o bantugang panghitabo sa ilang kinabuhi. Nadungog ta ang mga pasidungog nga “golfer of the century”, “composer of the century”, “right tackle of the century”— nga usahay wala bay kahulogan. Apan sa Western Europe ang gipasidiunggan nga “man of the twelfth century,” nga dili-ikalalis mao gayod si Bernard of Clairvaux. Tig-tambag sa mga popes, magwawali panahon sa Second Crusade, tig-panalipod sa pagtuo / defender of the faith, tig-alim sa mga panagbangi / healer of a schism, nagbag-o sa mga monasteryo / reformer of a monastic Order, batid sa Balang Kasulatan/Scripture scholar, usa ka inilang theologian, ug maayong mamumulong sa iyang pagwali/eloquent preacher: kining maong mga titulo nakapahimo niyang labaw sa uban o dili-ordinaryo nga tawo. Apan kining maong mga pasiudungog wala makapahunong kang Bernard sa pagbalik ngadto sa iyang naandang matang sa kinabuhi nga mao ang kinabuhi sulod sa monasteryo. 

Sa tuig 1111, sa edad nga 20, si Bernard mibiya sa iyang panimalay aron moapil sa mga monghe didto sa Citaeuax, Ang iyang lima ka mga igsuong lalaki, duha ka mga tiyo / uncles, ug  30 ka mga batan-ong higala misunod niya sa pagsagop sa maong matang sa kinabuhi. Sulod sa upat ka katuigan, ang himatyong katilingban sa mga monghe, nakabaton og bag-ong kinabuhi ug kadasig nga maoy nakatukmod niini pagtukod og bag-ong monasteryo sa walog nga bahin sa Wormwoods, uban kang Bernard nga mao ang abbot. Si Bernard estrikto sa iyang kaugalingon kay sa uban. Mao nga kini ang iyang nakat-onan bahin sa pagkawala sa umoy sa iyang panglawas nga kinahanglan maghinayhinay siya sa iyang mahigpit nga mga pamaagi ug ang  nga pagsabot sa iyang kaugalingon ug sa iyang mga ginsakopan. Ang maong monasteryo didto sa walog ginganlan og Clairvaux, ang walog sa kasilak. 

Ang iyang abilidad sa paghukom/arbitrator ug tig-tambag/counselor nabantog sa kadaghanan. Sa makadaghan siya mibiya gikan sa monasteryo aron mohan-ay sa dugayng mga panagbangi. Tungod nini gitamak niya ang Rome. Si Bernard hingpit nganagtahod sa  primacy sa Roman See. Apan alang sa usa ka sulat nga nagpasidaan gikan sa Rome, iya kining gitubag sa pag-ingon nga ang mga maayong amahan didto sa Rome, “makapahan-ay sa kahiusahan sa Simbahan.” Kon adunay bisan unsa nga isyu nga makapaguliyang sa mga pagdani o pagtagad sa uban, si Bernard mao gayod ang labing una nga motaho kabahin niini sa adunay kalabutan.

Sa wala madugay, si Bernard mao ang nagpatiwala sa usa ka dakong panagbangi /schism ug siya mipabor sa Santo Papa sa Roma ug wala niya pabori ang antipope.

Ang Holy See maoy nagsugyot kang Bernard pagwali sa panahon sa Second Crusade latas sa tibuok Europe. Ang iyang kasinatian hilabihan sa pagka-katingalahan nga usa ka pundok sa mga bantugang mga sundalo nga gitapok ug ang krusada daw gipahibalo ang kalampusan nga moabot nga walay pagduda. Ang mga paglantaw sa kasunsaloan dili sama sa panglantaw ni Abbot Bernard, ug ang proyekto nahimong hingpit kapildihan ug kaubsanan sa mga nahitungdang mga sundalo. 

Si Bernard mibati nga siya may dakong tulubagon sa maong wala-palandungi nga panghitabo sa maong krusada–ang kaparutan. Tingali ang dakong kabug-at sa iyang pagbati maoy hinungdan nga siya nakatagbo sa iyang hinalaling kamatayon niadtong Agusto 20, 1153.

PAMALANDONG

Ang kinabuhi nga gipuy-an ni Bernard sulod sa Simbahan hilabihang ka aktibo kay sa atong maaninaw sa atong panahon karon. Ang iyang mga paningkamot may taas nga mga linugdangan. Apan nasayod gayod siya nga diyutay ra siyag kalampusan kon wala pay ubay-ubay nga panahon nga iyang gigugol sa pag-ampo ug pamalandong nga maoy tinubdan sa iyang kusog ug balaanong tumong. Ang iyang tibuok kinabuhi gitiman-an sa iyang lawom nga debosyon sa Mahimayaong Inahan sa Dios. ang iyang mga sinulat nga basahon ug daghan nga mga wali kabahin ni Maria hangtod karon nahimong sukaranan sa  Marian theology.

SUGYOT NGA ATONG AMPO-AN –