Lila Mayor Arturo Piollo II (inset, upper left corner) announced: “Karong September 28, 2024, sa alas 6 sa kabuntagon, pangunahan sa Lungsod sa Lila, inubanan sa tibuok Probinsya sa Bohol, ang pagsaulog sa World Bamboo Day diin mananum kita ug kapin kung kulang sa 15,000 ka mga giant bamboos sa mga lugar sa lungsod sa Lila, Bohol. Apil kini sa atong paningkamot para mahatagan nato ug kasulbaran ang mga hulga sa kalikopan susama sa global warming, pagkawala sa mga tinugdan sa tubig, pagbaha, pagdahili sa mga kayutaan ug uban pa nga mga kalamidad nga nakahatag ug dakong hulga sa atong katawhan. Tungod niini, akong kinasingkasing nga giawhag ang tanan nga makigduyog, makig-uban ug magpakabana sa atong kalikopan pinaagi sa pagtabang ug pananom niining atong gi target nga numero sa mga kawayan nga matanom anang maong adlaw. Busa among gipanawagan ang tanan nga mga assosasyon, mga grupo sa simbahan, sa eskwelahan, mga fraternities, mga national government agencies, mga pribado nga mga tulonghaan ug mga social civic clubs sa pag apil niining maong kalihukan. Palihog pakig alayon ni Riste Pantillo sa numero nga 09174417198 ug Engr. Jorge Caiña sa numero nga 09271619273 para koordinasyon nga pagahimuon. Gi awhag ang mga grupo sa pagsuot sa inyong club tshirt, o shirt nga mailhan ang inyong grupo sa maong kalihukan. Akong panghinaot nga kitang tanan magpakabana ug maghimo sa mga butang nga makahatag ug dakong kasulbaran sa hulga sa kalikopan. Mananum tang tanan.” Contributed photo