Inabanga Mayor Jono Jumamoy (3rd from right), announced the following on October 12, 2024: “Nakigsaulog kita uban ni Vice Mayor Roygie (2nd from left) ug Sangguniang Bayan Members Nacia Milloria (extreme left) ug Tian Cempron sa panagtapok sa mga Senior Citizens sa Poblacion isip pagselebrar sa Senior Citizens Day nga adunay tema ‘Building the Nation, Inspiring Generations’.Sa maong kalihukan atong gipadayag kung unsa kadaku ang atong pagpasalamat sa atong mga lolo ug lola sa mga sakripisyo nga sila nahimong instrumento sa pagmatuto kanato nga kita mahamutang sa maayo nga kinabuhi. Gipadayag usab nato kung unsa kataas ang atong pagrespito kanila isip sila ang nahimo natong mga inspirasyon ug sumbanan ning pagpakabuhi ug sa paglawig nato ning kalibutana. Ingon ana kabililhon ang atong mga mahal nga mga lolo ug lola. Ato usab nasaksihan ang nagkalainlain nga mga pasundayag sa atong mga lolo ug lola. Ug nalingaw usab sila sa mga ginagmay nga mga pagduladula nila nga naghatag og kaalegre sa palibot. Alang usab sa pagpuno sa kadasig sa maong kalihukan kita sa teamINABANGA kinasingkasing nga ninggahin og tig 5 kls. nga bugas sa matag usa kanila. Matsalams Poblacion Barangay Officials headed by Barangay Capt. Bebe Del Mar, Senior Citizens Officials headed by Kag. Mimi Selvistre ug sa mga naglihok nga nahimong malampuson ang maong kalihukan. Sa kanunay ang Gugma ug Pagbati sa teamINABANGA anaa kanunay magpaluyo kaninyo.” Contributed photo