Maayong Pagdumala sa Pangagamhanan
Ni Ronie Orillosa
Akong mainitong pagtimbaya sa atong tanang mga kaigsoonang Bol-
anon. Akong pagyukbo usab kaninyo atol sa pagkahimugso niining bag-o
natong kolum nga nag-ulohan ug "Baruganan sa Manlalaban".
Nganong “Baruganan sa Manlalaban” man ang uluhan niining maong
pagsulat?
Sa pulong nga "Baruganan", nagpasabut kini sa atong mga prinsipyo
nga nahimong sukaranan ug kamatuoran sa atong pagpanuwat ug
nagsilbing pundasyon sa hugpong sa atong pagtuo ug pamatasan alang
sa kutay sa atong pangatarungan.
Ug sa pulong nga "Manlalaban", nagpasabut nga kining maong kolum
nagbitbit sa atong hugot nga tumong ug tinguha nga usa kita sa mga
mahimo ninyong piniyalan, sinaligan, magbalantay, ug tigpaluyo sa
MAAYONG PANGAGAMHANAN.
Sa dugang nga pamahayag, ang usa sa mga katuyuan niining atong
pagsulat nagalakip sa atong paghatag ug tukmang kasayuran ngadto
sa nagbagang duot sa atong katilingban, labi na ang mga Bol-anon, nga
nahikawan ug mahikawan sa tinood ug balanse nga impormasyon.
Pinaagi niining maong kolum, ato usab nga tukion ug ibutyag ang bisan
unsang matang sa kahiwi-an sa pangagamhanan nga atong mahibal-
an. Dili kita magmakuli sa pagsulti sa katilingban sa matag abuso sa
pangatungdanan nga mahimo sa usa ka opisyal nga pinili sa katawhan.
Sa lain nga bahin, andam kita sa paghatag sa atong tabang, kutob sa
atong mahimo, ngadto kang bisan kinsa nga takus sa atong pagtagad ug
pagserbisyo. Dili kita mopili kung kinsa ang atong pangalagaran tungod
kay nagtoo kita nga daghan na ang mga naghilom nga Bol-anon nga
“gutom ug uhaw” uban sa ilang pangandoy sa labing maayong serbisyo
sa gobyerno.
Kining maong manunulat nagatoo usab nga himsog ang atong
kinaiyahan, ug kalikopan ug sarang kini sila nga makahatag ug kaayuhan
sa atong katilingban. Apan unsa na ang kahimtang sa atong palibot, mga
kadagatan, kapatagan, ug kabukiran? Maoy hinungdan nga ato kining
pagbantayan aron dili mapahimuslan sa mga tawo nga maoy
gihatagan ug tahas nga magdumala sa atong pangagamhanan.
Kining inyong ubos nga higala nagatoo nga gihatagan kita sa Labawng
Makagagahum ug buhong nga abilidad ug kapasidad aron ang atong
kinabuhi molambo ug maugmad subay sa IYANG KABUBUT-ON.
Apan tungod sa mapangahason natong mga lideres sa atong katilingan,
mahimong dinaog-daog ang kadaghanan sa atong mga kaigsoonan.
Busa, kinahanglan magmata kita sa kamatuoran ug dili kita angay nga
mahadlok nga mosumpo sa bisan unsa nga kahiwian nga mahitabo sa
atong lalawigan.
Magpakabana kita alang sa MAAYONG PAGDUMALA SA
PANGAGAMGAN.
Magtinabangay kita alang sa MAAYONG PAGDUMALA SA
PANGAGAMHANAN.
Mag-ampo kita nga atong makab-ot ug masinati ang tinud-anay nga
MAAYONG PAGDUMALA SA PANGAGAMHAN.
Kay sumala pa sa sanglitanan "Ang maayong binuhatan, dili gyud
magbunga ug dautan."
(Editor’s Note: Kini si Ronie Orillosa mao ang Co-
Founder sa Youth Lead Philippines, Inc. diin siya aktibo
nga sakop hangtud karong panahona. Director for
Membership usab siya sa Rotary Club Downtown San
Juan, Metro Manila. Napili siyang Barangay SK
Kagawad kanhi sa Dao, Dakbayan sa Tagbilaran ug siya
ang Presidente sa Pangagamhanan sa mga Tinun-an sa
PMI Colleges, Bohol sa tuig 2012-2013. Presidente usab
siya sa Bohol Alliance of Student Councils sa susamang
tuig.)