Ni Padre Jose “joesum” Sumampong, Jr.
—————————————————————
ANG SAYSAY SA KAAGI
SA SANTOS KARONG ADLAWA
NOBIYEMBRE 17, 2024
Saint Agnes of Assisi
Saint Agnes of Assisi | France | gift of E. Royall Tyler
Saint of the Day for November 17
(c. 1197 – November 16, 1253)
Saint Agnes of Assisi’s Story
Natawo nga si Caterina Offreducia, si Agnes manghud ni Saint Clare, ug iyang unang sumusunod. Sa dihang si Caterina miikyas gikan sa pinuy-anan tapos sa duha ka mga semana nga pagbiya ni Clare, ang iyang banay buot nga mapugsanon nga mabalik siya. Misulay sila pagtulak aron pagpagawas niya gikan sa monasteryo, apan nahikurat sila kay nabug-at pag-ayo ang iysang lawas nga bisan gani ang pipila ka mga knights dili makabuswat kaniya. Ang iyang tiyo nga si Monaldo misulay sa paglatigo kaniya apan sa maong higayon dili siya makalihok. Ang mga knights mipahawa ug sila si Caterina ug si Clare nagmalinawon. Si Saint Francis mismo ang mihatag sa igsuon ni Clare sa ngalan nga Agnes, gumikan kay siya gentle sama sa nating kordero.
Si Agnes sama sa iyang igsuon sa debosyon sa pag-ampo ug sa pagsagubang sa mga pag-antos gumikan sa paghimo og mga estrikto nga mga penitensya nga maoy timailhan sa mga kinabuhi sa mga Poor Ladies sa San Damiano. Niadtong tuig 1221, adunay pundok sa mga Benedictine nuns didto sa Monticelli duol sa Florence naghangyo nga mahimong Poor Ladies. Si Saint Clare mipadala kang Agnes nga mahimong abbess sa maong monasteryo. Si Agnes sa dili madugay nagsulat nga iyang gikamingawan pag-ayo si Clare ug ang uban nga mga madre sa San Damiano. Tapos makamugna og laing mga monasteryo sa Poor Ladies didto sa northern Italy, si Agnes gipabalik ngadto sa San Damiano sa tuig 1253, sa higayon nga himatyon si Clare.
Tulo ka mga tuig ang niabot si Agnes misunod kang Clare sa kamatayon, ug giila nga Santos sa tuig 1753.
PAMALANDONG
Ang Dios nahigugma sa kantalita / irony; puno ang kalibutan niini. Niadtong tuig 1212, daghan didto sa Assisi mibati nga sila si Clare ug si Agnes nag-usik laman sa ilang mga kinabuhi ug nga sila daw mitalikod sa kalibutan. Apan dili tiaw-tiaw, ang ilang kibabuhi maoy makusog nga pagtugyan og kinabuhi, ug ang kalibutan nahimong buhong sa ilang ehemplo ngadto sa mga poor contemplatives.
SUGYOT NGA ATONG AMPO-AN –