Bohol Light nagpahibalo sa mas sayon nga paagi sa pagbayad sa kuryente
Sinulat ni Sheryl B. Paga
Maayong Balita!
Gipasayon na sa Bohol Light Kolek Program ang pagbayad sa bill sa kuryente pinaagi sa atong third-party collecting partners. Hassle-free ug dali na lang!
Kini nga payment partners, mudawat gihapon ug bayad bisan dunay overdue nga nakabutang sa billing statement.
Mga pamaagi alang sa pagbayad:
⮚ Sa Online Banking Payment (FCB Pay), bisitaha ang bisan asang FCB branch para sa pagparehistro ug pag-download sa FCP Pay app sa inyong Android phone.
⮚ Security Bank Online Payment / E-Wallet, padala lamang ug mensahe sa BLCI QR Pay Messenger account ug ihatag ang inyong registered account number ug name para makadawat og Unique QR Code nga magamit sa matag bayad.
⮚ ECPay Facilities (GCash, Maya, 7-Eleven) mao kini ang pinakasayon ug paspas nga paagi sa pagbayad sa inyong kuryente!
⮚ Aduna usab kitay mga banks and non-banks facilities depende sa inyong kasayon sa pagbayad.
Gipang-apod-apod na ang mga flyers sa mga konsumidor aron mas dali masabtan kining bag-ong mga pamaagi o bisitaa ang Bohol Light Facebook Page alang sa detalye nga mga steps niini. Walay hasol, walay gasto sa pamasahe!
Tumong sa Bohol Light nga mapalapdan ang maayong serbisyo, busa pahimusli ning kahigayonan! Makabayad na bisan sa adlawng walay trabaho—sayon ug luwas!
P30-M pondo gipagawas sa NIA-7 alang sa
rehabilitasyon sa Mabini-Cayacay SRIP
Sinulat ni Elvira Bongosia
Kinatibuk-ang ₱30 milyones nga Quick Response Fund (QRF) ang gipagawas sa National Irrigation Administration (NIA) Region VII aron suportahan ang dinaliang pag-ayo ug rehabilitasyon sa mga sistema sa kanal ubos sa Mabini-Cayacay Small Reservoir Irrigation Project (SRIP), usa ka dakong inisyatibo sa irigasyon sa buhatan.
Gipahibalo kini ni NIA-7 Regional Manager Engr. Antonio B. Gujeling atol sa ikaduhang General Assembly sa mga benepisyaryo sa Mabini-Cayacay Irrigators Association, Inc., nga gipahigayon sa Brgy. Abaca Covered Court sa lungsod sa Mabini ning bag-o lang.
Gihatagan ug gibug-aton ni Gujeling nga bisan kung kompleto na ang mga dagkong istruktura sa proyekto, ang pipila ka mga seksyon sa kanal kinahanglan pa nga ayohon aron masiguro ang maayo nga paghatud sa serbisyo sa irigasyon.
Ang bag-o lang nga giaprobahan nga pondo nagtumong sa pagtubag niini nga mga isyu sa madali aron maandam ang sistema alang sa hingpit nga operasyon.
“While we are proud of the progress of the Mabini-Cayacay SRIP, we recognize the importance of ensuring that every part of the system works efficiently. The release of the ₱30 million fund is a critical step in preparing the entire irrigation system for sustainable and productive use (Samtang kami mapasigarbuhon sa pag-uswag sa Mabini-Cayacay SRIP, among giila ang kamahinungdanon sa pagsiguro nga ang matag bahin sa sistema molihok nga episyente. Ang pagpagawas sa ₱30 milyon nga pondo usa ka kritikal nga lakang sa pag-andam sa tibuok sistema sa irigasyon alang sa malungtaron ug produktibo nga paggamit,” matud pa ni Gujeling.
Gitambongan ang maong kalihokan nila Engr. Isra Rujo Angway, ang Project-in-Charge sa Mabini-Cayacay SRIP, ug Ivy Alo, ang Irrigators Development Officer (IDO), kinsa maoy nagpahigayon sa mga diskusyon ug nagtubag sa mga kabalaka nga gipadangat sa mga miyembro sa mag-uuma.
Ang maong general assembly nagsilbi nga usa ka lugar sa pagpalig-on sa komunikasyon tali sa NIA ug sa ilang kauban nga Irrigators Associations (IAs), nga naghatag ug mga update ug pagkolekta ug feedback aron masiguro ang kalampusan ug pagpadayon sa proyekto.
Mabini-Cayacay Small Reservoir Irrigation Project (SRIP). Ang Mabini-Cayacay SRIP maoy usa sa mga dagkong imprastraktura nga pamuhunan sa NIA Region VII sa Bohol, nga gidesinyo sa pagpausbaw sa produksyon sa agrikultura, pagpalambo sa malungtarong pagpanguma, ug pagpauswag sa seguridad sa pagkaon sa rehiyon. (Hulagway gikan sa NIA-7 photo)
Wala’y bringhouse sa 56 barangays nga may ASF
Sinulat ni Rey Anthony Chiu
Pila na lang ka adlaw sa dili pa magsugod ang tradisyon sa pista dinhi sa Bohol, mahitabo ra gayud ang dili unta angay nga mahitabo: wala nay bringhouse.
Kini kay dinhi sa Bohol, 56 na ka barangay sa 17 ka mga lungsod nga kasagaran manggipista sa sunod nga mga buwan, mahimo nga ang ilang ma-ihaw nga baboy, mahimong gipang-obserbahan kon natakdan ba o wala sa sakit sa African Swine Fever (ASF).
Dinhi sa Bohol, gawas nga kinaiya na sa kadaghanan ang moagda sa ni bisan kinsa para moambit sa halad sa lamesa, tradisyon usab sa Bohol ang mopadala ug pinutos nga pagkaon, alang sa kinsa ang nahibilin sa balay, aron usab sila makatilaw sa pista.
Apan, sa hulga sa ASF, usa ka sakit sa baboy nga mahimong mopuo sa tanang baboy sa usa ka lugar, gipaningkamotan nga ang kagaw dili makagawas sa mga lugar diin kini namatikdan.
Matud sa mga eksperto nga nagtuon sa sakit sa baboy, gituohan kini nga kagaw, mahimong makasakay sa karne nga buhi ug giluto, ngadto na usab sa lain nga lugar diin magsugod na usab ug panakod.
Tungod niini, gipugngan na ang pagpadala ug bringhouse, ilabi na sa mga lugar nga gitumbok nga apektado sa ASF.
Sa us aka taho, ang Office of the Provincial Veterinarian niadtong Abril 24 2025 gipadayag ang 56 ka mga barangay nga apektado pa sa ASF.
Gani, 21 ka barangay niini, nagpakita sa positibo nga resultahuman sa labing kasaligan nga test alang sa sakit nga ASF samtang ang nahibilin nga mga barangay, may nagpositibo subay sa Rapid Antigen Testing.
Ang 12 ka nagkapositibo sa ASF basis a PCR naglakip sa 6 ka kaso Buenavista, usa sa lima ka kaso sa ASF sa Getafe, 3 ka kaso sa Talibon, 2 ka kaso sa Trinidad, 3 ka kaso sa Dagohoy, ug 2 sa unom kakaso sa Ubay.
Sa Ika duha nga distrito, apektado pa gihapon ang 11 ka barangays of Getafe (Poblacion, Campao Oriental, Sto. Nino, Saguise, Tolang, Taytay, Carlos P. Garcia, Tugas, Salog, Mahanay, Jandayan Norte and Cangmundo), 6 ka barangays sa Buenavista (Lubang, Lusong, Nueva Granada, Poblacion, Cantores and Cruz) ug Estaca sa Dagohoy.
Lima sa Talibon (San Jose, Sto. Nino, Rizal, San Francisco and Tanghaligue), 4 sa Trinidad (La Victoria, Soom, San VIcente and Kinan-oan), 9 ka barangays sa Ubay (Katarungan, Union, Tipolo, Bood, Fatima, Camambugan, Imelda ug Sinandigan.
Tulo ka barangays sa Bien Unido (San Pdero, Tuburan, Poblacion), 1ka barangay sa Inabanga (Cogon) ug 2 ka barangays sa Sagbayan (Canmaya Centro and Canmano).
Sa unang Distrito, apektado pa gihapon ang 1 ka barangay sa Catigbian (Maitum), 1ka barangay sa Tubigon (Bosongon), 2 ka barangays sa Sikatuna (Bahay-bahay, Badiang), 1 ka barangay sa Balilihan (Datag Sur), 1ka barangay sa Alburquerque (Dangay), 2 ka barangays sa Calape (Mandaug and Sta Cruz) 2 ka barangays sa Dauis (Sungcolan and Mayacabac).
Walay ASF cases sa Third District.
Australia nagbukas ug scholarships, para’s mga dev’t leaders sa Visayas
Sinulat ni Rey Anthony Chiu
Alang sa mga programa sa Masters sa 2026, nagbukas na usab ang Australia Awards, usa ka gitahud nga postgraduate scholarship program sa kagamhanan sa Australia.
Nunot niini, mismo si Australian Ambassador to the Philippines HK Yu ang nag-aghat karon sa mga maayong lider sa Kabisay-an nga pahimuslan kining higayon nga makasinati sa kultura sa Australia samtang nagtungha sa mga unibersidad ng maka-ambas sa mga hawod nga tunghaan sa tibuok kalibutan, aron makadala usab balik sa Pilipinas sa maayong serbisyo ug kaugmaran nga nakat-onan.
Niining bag-o lamang, gipasidunggan sa Australia Awards ang usa ka alumnus sa Baybay, Leyte tungod sa iyang Excellenece in Innovation Award sa iyang tampo ngadto sa Philippine Council for Agriculture, Aquatic Resources (PCAARD) sa Visayas State University Semen Laboratory applications ug biotechnology Laboratory.
Si Dr. Santiago Peña Jr., kinsa nakat-on gikan sa Australia Award Scholarships, mopatuman sa iyang nakat-onang kahibawo sa artifician insemination sa mga baboy ug magtukod sa PCAARRD VSU Semen Lab applications ug biotechnology; usa s amga nag-unang pasilidad sa nasud
Kini maoy nahimo nga re-entry plan ni Dr. Peña
Pinaagi sa nakat-onan ni Dr. Peña, matabangan na ang mga tigpamuhi ug baboy samtang ang pasilidad magatabang sa pagpalig-on sa biosecurity sa labing daku nga livestock sector sa nasud, ilabi na taliwala sa hulga sa sakit sama sa African Swine Fever.
Si Dr. Peña mitapos sa Master in Tropical Veterinary Science ug Doctor of Philosophy sa James Cook University.
Matud niya, ang “Australia Awards” nakapausab sa iyang panglantaw aron pamaayohon pa ang iyang trabaho, palapdan pa ang iyang mga kontak samtang giatiman sa mga batid sa James Cook University.
Akong gihagit ang mga Pinoy, ilabi na sa Kabisay-an nga mo-apply ug makasinati nsa world class nga edukasyon gikan sa mga tinahud nga unibersidad sa Australia, matabangan sa kaugalingong pagpalambo ug magpasumpay ngadto sa mga batid sa tibuok kalibutan, gawas nga makapuiyo sa laing nasud,.
Lakip na sa scholarship ang roundtrip travel, cost of living allowances, matricula, health insurance, ug ghiniyahan nga pagkat-on.
Hinu-on, kadtong mga aplikante gikinahanglan nga mokuha sa mga kurso nga nasumpay sa priority strategic development nga mga panginahanglan sa Pilipinas ug napili sa Australian Embassy sama sa Agriculture, Marine, ug Natural Resource Management; Climate Change (apil ang Humanitarian Action and Disaster Risk Reduction); Cybersecurity ug Critical Technology; Education; International Relations and National Security; Gender Equality, Disability, and Social Inclusion; Governance and Public Policy; Health; Law and Justice; Maritime Policy, Maritime Security, and Law of the Sea; Mining and Energy; Peace and Development; Space Science and Technology; Trade and Economics.
Ang aplikasyon alang sa school year 2026, bukas taman sa Abril 30, 2025 ug alang sa mga interesado, bisitaha ang visit:www.australiaawardsphilippines.org/scholarships.
SP mipalibkas sa interes, multa sa transfer of real Property tax
Sinulat ni Rey Anthony Chiu
Subay sa nasudnong kampanya aron mahipno na ang pagpabalihin sa kabtangan ilabi na sa pagpatitulko sa mga yuta nga napalit, gipalusot sa ikaduhang pagbasa sa Sangguniang Panlalawigan sa Bohol ang pagtangtang sa mga multa ug sa interes sa balayranan sa pagpabalhin sa papanag-iya sa mga kabtangan taman sa Hunyo 14, 2025.
Kahinumduman nga ang mismo nga Department of Finance nagpagawas sa Department Circular No. 002-2024 isip “Supplemental Guidelines” sa pagtanyag sa paglibkas sa mga multa ug interes sa buhisan nga gipataw sa mga local nga otoridad sa Transfer of Real Property Ownership.
Ang nahisgutan nga Department Circular (DC) agi ug suporta ra usab sa gipagawas nga Republic Act (R.A.) No. 11956, nga nagpa-usab sa Republic Act No. 11213, o ang “Tax Amnesty Act,” nga nagpalugway pa sa pag-kuha sa Estate Tax Amnesty taman sa Hunyo 14, 2025.
Sa Sec. 2 ug 3 sa nahisgutang DC No. 002-2024, gilatid didto ang giya sa pagpatuman sa pagtanyag sa pagtangtang sa mga multa ug interes nga gipatong sa local nga buhisan sa pagpabalhin sa pagpanag-iya sa real property basi usab sa Estate Tax Amnesty Program.
Matud sa SP Bohol nga milaum silang kini magpagaan sap alas-onon sa mga bag-ong tag-iya sa mga kabtangan nga napabug-ataon sa ilang responsibilidad sa pagpabalhin nga ngadto sa ilang mga pangalan ang propyedad ilabi na sa panahon sa pandemya.
Subay niini ug haum usab sa DOF nga katuyuan, kadtong wala kapabalhin sa ila na nga mga pangalan sa ilang mga napalit nga proyedad ilabi na naidtong gisinati sa nasud ang pandemya, kin inga mga transaksyones, may bugti nga silot nga magpilopilo sa pagdagan sa panahon, hinungdan nga magdugang ang kabug-aton.
Ang transfer fee pananglitan, gikolekta sa Kagamhanan sa Bohol isip buhis sa pagpabalhin sa pagpanag-iya.
Ug sama sa gibati sa nasudnong kagamhanan, nangita usab ang Bohol ug pamaagi nga mapagaan ang gipas-an sa mga katawhan ilabi na human sa pandemya ug ang komunidad, anaa sa panahon sa pagbangon.
Nunot niini, duyog sa nasudnong kagamhanan, dili na panginglon sa Bohol ang mga silot, multa ug interes sa buhis sa pagpabalhin sa pangalan sa propyedad taman sa Hunyo 14, 2025.
Apan gipasabut sa SP nga ang dili pabayran, kadto ra nga mga multa ug interes sa local transfer tax sa mga yuta nga gipanunod kang kinsang uynang mga tag-iya, namatay saw ala pa ang Disyembre 31 2017, ug pwede lamang ikatanyag sa mga sumusunod, pagpalit niini ug ang pagdonar niini.
Huwaton ang HB 10438, di’ usa aksyonan ang ‘protected areas’
Sinulat ni Rey Anthony Chiu
Mahimong masukip na ang duha ka mga mga sugyot alang sa kalikopan ug alang sa turismo nga katuyuan, sa gitak-ang karon nga balaodnon nga anaa na sa kongreso, mao nga minghukom ang Sangguniang Panlalawigan nga palabyon sa lang una ang balaodnon kay masulod na niini ang mga sugyot sa mga Bol-anon alang sa kalikopan.
Kahinumduman nga gisugyot n ani Bokal Nathaniel Binlod nga ibton ang mga kahoy nga nangtubo sa tiilan ug sa mismong bungtod sa Chocolate Hills kay nakasalipod kini sa kanindot sa talan-awon sa talag-saon nga mga bungtod.
Niining bag-o usab, gisugyot sa Community Environment and Natural Resources Officer sa Talibon Richard Abella nga maghimo ug ordinansa ang Bohol nga magmandu sa mga tawo nga magtanum, mag-atiman ug mga tanom-dayan-dayan sulod sa mga buhatan, sa mga commercial nga establisemento ug mga kabalayan.
Apan, nasuta sa SP nga nagpadayon na nga gitak-ang ang House Bill No. 10438 nga magpalapad sa mga sakop sa Protected Area management Board ug magpa-apil na niini sa Department of Tourism, National Museum, UNESCO’s technical committee, mga representantes sa religious sector, environmental planners, mga architects, mga kongresista ug senador.
Gitak-ang sa luto-anan sa Kongreso sa hiniusa nga pagsponsor nil ani Reps. Edgar Chatto, Maria Vanessa Aumentado ug Kristine Alexie sa Bohol ug Kongresista Jose Alvarez sa Palawan, ang “An Act Establishing the Coverage of the Chocolate Hills Natural Monument (CHNM), pagpa-usab sa kalapdon sa mga utlanan sa CHNM, aron matumbok na kini ug paghatag ug husto nga pagbayad sa mga titulado nga mga yuta nga nasulod sa 20 metros nga tiilan sa mga bungtod nga dili na matikad.
Nasukip na usab dinhi ang pagpausab sa komposisyon sa CHNM Protected Area Management Board, pagpundo alang niini isip pagpatino sa katuyuan usab sa National Integrated Protected Areas System (E-NIPAS).
Ang giduso nga balaodnon, naghatag na ug katungod sa mga tag-iya sa yuta nga nasulod sa Protected area, isip dugay nang molupyo mao na mahimo silang mamupo sa bunga, mananom sa mga duma ug lagutmon ug magpasugod sa ginagmay nga pamuhunan.
Gilauman nga kini nga balaodnon nga kasamtangan pang gidebatehan sa Kongreso, magpalig-on sa mga sumbanan sa pag-ugmad sa mga protected areas sa nasud.
DTI ngadto sa BAGWIS Awardees Resolbaha ang mga reklamo aron dili na makomplikado
Sinulat ni Rey Anthony Chiu
Giaghat sa Department of Trade and Industry ang mga establisemento nga napili nga hatagan sa Bagwis Awards nga pamaayohon pa ang ilang pagpadagan sa ilang negosyo ilabi na sa pagpalig-on sa ilang relasyon sa konsumidor, aron dili na mosaka pa ngadto sa komplikado nga sitwasyon ang mga reklamo sa mga konsumidor ug mamalitay.
Pinaagi ni Mary Lou Torreon, officer in charge ug Division Chief sa DTI Bohol Consumer Protection Division, giaghat sa goberno ang mga establisemento nga nakadawat sa ilang citations isip Bagwis Awardee nga mintinahon sa tulo ka tuig ang kamaayo sa pagpadagan sa ilang mga negosyo aron pwede na usab i-upgrade gikan sa Bronze Award ngadto sa Silver o Gold.
Matud ni DTI Bohol Provincial Director Vierna Teresa Ligan, ang Bagwis Award, us aka pasidungog nga gitanyag sa DTI ngadto sa mga establisemento nga nagpakayag sa kampanya sa katungod sa mga konsumidor, samtang nagpadagan sa ilang mga negosyo diin ang mga mamalitay makakuha sa saktong serbisyo bugti sa ilang gibayran.
Lakip na niini nga programa ang mga superstores supermarkets, department stores ug specialty stores, appliance centers ug hardware ug nga repair shops nga gi-akredit sa DTI.
Tulo ka matang sa awards ang gitagana alang niining mga establisemento: Bronze alangs a mga mingsubay sa balaod sa makiangayon nga patigayon (Fair Trade Laws) ug nagpahimutang og Consumers Welfare Desk; Silver alang sa nakakuha nag Bronze Award unya may kaugalingon nga corporate social responsibility nga dokumentado, ug Gold alang sa nakakuga nag Silver ug may mga pamaagi nga nahanay na sa International Standards Organization 9001, pasabut ni Ligan.
Bronze Awardees ang Du Ek Sam (DES) Incorporated Galeria Luisa, DES Gallares Yamaha, DES JA Clarin Suzuki, DES Lesage, DES Lesage Appliance Center, DES CPG Branch, AH Shoppers Mart Supermarket, AH Shoppers Mart Department Store, Save ‘N Earn Sales Shoppers Branch, Save N Earn Alturas Branch, Save N Earn Talibon, Save N Earn Candijay, Save N Earn Valencia, Save N Earn Loay, Save N Earn Sagbayan, Save N Earn BQ Mall, Save N Earn Loon, Save N Earn ICM Branch, Save N Earn Calape, Save N Earn Guindulman ug Save N Earn Carmen.
Silver Bagwis Awardees usab ang Robinson’s Handyman Inc Tagbilaran City, Bohol, DES H. Grupo Branch, Imperial Appliance Plaza (Tagbilaran Branch), Save N Earn Main Branch ug ang Save N EarnALturas Branch.
ASF infected area 50 metros sa index case, pugos nga patyon
Sinulat ni Rey Anthony Chiu
Gipagamyan na ang lugar nga kinahanglang hiposon ang mga baboy nga anaa sa palibot sa mga baboy nga nangasakit sa African Swine Fever (ASF), samtang gimandu na usab ang pili nga pagpamatay sa mga baboy nga anaa sa 51metros ngadto sa 100 metros palibut sa aktibong kaso.
KIni human ang provincial, Municipal, Barangay ASF Task Force nakakita sa panginahanglan nga ipatuman ang kausaban, dala na usab sa pagseguro nga magpabiling balance ang pagpugongs adugang pagkatag sa kagaw, pagpaseguro sa suplay sa karne sa kamerkadohan ug ang ekonomikanhong stability nga makaayo sa kinatibuk-ang Bol-anon.
Pinaagi sa Executive Order No 25, series of 2025, gipagawas ni Gob Erico Aristotle Aumentado ang dugang nga mga tamdanan sa paghipos sa mga baboy pinaagi sa pagsagop sa test ug paghipos, test ug ihaw sulod sa 51 ngadto sa 100 metros gikan sa may atibong sakit.
Kaniadto, subay sa Department of Agriculture sa gipagawas niining Administrative Order No 22 nga nagalatid sa mga guidelines sa paghipos sa mga baboy nga kompirmadong nasakit sa ASF.
Sa nasampit nga AO No 22, naglatag sa duha ka pamaagi sa paghipos sa baboy sulod sa Quarantine Area: ang pugos nga paghipos sa unang 500 metros gikan sa aktibong kaso sa sakit ug ang pili nga paghipos niadtong magpositibo sa testing.
Sa kadako sa lugar nga masulod niini, gipagawas ni Gob Aumentado ang gipagamyan nga 100 metros nga pugos ang paghipos sa tanang baboy ng ang test ug hipos sa magpositibo ug test ug ihaw sa mga nagnegatibo sa veterinary PCR.
Apan daghan pa gihapon ang mga baboy nga maangin sa pagpatay, hinungdan nga gipagawa anga EO 25.
Ang order sa gobernador, naglatid na sa 50 metros paubos nga Infected area, ug ang Quarantine Area mao na angf 51 metros ngadto sa 500 metros nga palibot.
Kini hinuon, maghimpos lamang kon sayo namatikdans a ASF team ang pagtaho, nga ang baboy nga nagdala sa sakit pagsulod, gikan sa gawas ug wala makauban ang nga baboy nga naa na daan sa silinganan.
Ipaseguro usab nga dinhi, lig-on ug estrikto ang pagbantag aron dili malutsan sa kagaw, santang ang mga LGUs nga apektado gipasaligans a pundo alang sa paghipos sa mga baboy sulod sa quarantine area.
BALAK
NGANO NGA ULIPON ANG TAWO SA SALA
Sinulat ni Engr. Rogelio Podelino
Kinabuhi sa tawo puno sa mga tanghaga
Dali siya makabeg pagbuhat ug sala
Mas bug-at ang hunghong sa demonyo
Kay sa kabeg sa anghel sa GINO-O
Kadaghanan haguka ug baroganan ang tawo
Dili nimo matugkad kon ngano?
Dali makabeg pagbuhat ug dautan
Kay sa magsubay sa matarong nga dalan
Ang hinungdan gusto makakumkum ug salapi
Sa labing sayon ug dali bisan kon hiwi
Mga lalaki mosulod negosyo sa droga
Kay dali kaayo ang tubo sa kwarta
Mga babaye itanyag ang ilang lawas
Madali makasalapi pinaagui sa pakighilawas
Ang uban’g babaye maala-an nga edukako
Diay mga babaye’ng tawagon lang sa telepono
Kay ang pagpangita ug salapi sa minaayo
Magpatulo ka sa imong singot gamay ra kaayo
Lapoy kaayo ang kalawasan human sa trabaho
Pagdapat sa likod makatulog dayon ug sayo
Ambot ngano tawo mahilig maglunang sa sala
Wala nila palandongi ang ilang ugma
Tungod sa kawad-on magmarka ug bahala na
Dili hunahuna-on ang dangatan unya nila
Balaod ba sa kinaiyahan ang tawo mahuyang?
Dali ra kaayo ang tawo matikwang
Dyotay ra ang mga tawo nga nagbinu-otan
Kay dalan sa matarong malisud agui-an
Ang labing maayo nga buhaton
Mangaliya kanunay sa GINO-O ipadayon
Magmatngon nga dili ka mahidagma
DIOS KO “NGANO NGA ULIPON ANG TAWO SA SALA?”