Ni Padre Jose “joesum” Sumampong, Jr.
—————————————————————
ANG SAYSAY SA KAAGI
SA SANTOS KARONG ADLAWA
MAYO 18, 2025
Image: Statue de Saint Théophile de Corte | photo by Pierre Bona
Saint Theophilus of Corte
Saint of the Day for May 18
(October 30, 1676 – June 17, 1740)
Saint Theophilus of Corte’s Story
Kon nagpaabot kita mga Santos nga nagbuhat ug mga katingalahang mga butang ug nagbilin ug daghang mga halandumong panultihon / memorable quotes, madismaya kita kang Saint Theophilus. Ang misteryosong grasya sa Dios diha sa iyang kinabuhi, hinoon, usa na kamaanindot sa iyang kaugalingon.
Si Theophilus natawo sa Corsica gikan sa mga adunahan ug harianong mga ginikanan. Sa batan-on pa siya, misulod siya sa pundok sa mga Franciscans ug iyang napadayag ang iyang gugma sa kamingaw/ solitude ug pag-ampo. Human niya matapos nga iyang dalaygon nga pagtuon, naordenahan siya ug nadestino sa usa ka retreat house haduol sa Subiaco. Nadasig sa kinabuhi sa kabos sa mga Franciscans didto, nagtukod siyag mga balay didto sa Corsica ug Tuscany. Naila siya sa iyang pagwali ug sa ubang mga buhat pangmisyonero.
Bisan pa nga siya kanunay nga nagmasakiton, si Theophilus manggihatagong nangalagad sa mga gikinahanglan sa katawhan sa Dios. Makita siya sulod sa kumpisalanan, sa mga lawak sa mga masakiton, ug sa mga lubnganan. Sa kadaghan sa iyang mga buluhaton, namatay siya sa Hunyo 17, 1740. Ang iyang kanonisasyon nahitabo sa 1930.
PAMALANDONG
Adunay molutaw nga makanunayong pag-aginod sa tanang mga Santos nga atong mapalgan diha sa ilang dili hinakog nga mga paamaagi pagtubag sagrasya sa Dios. Samtang nanglabay ang panahon, si Theophilus mihalad og kinakingkasing nga pagpangalagad ngadto sa Dios ug sa mga anak sa Dios. Ang pagpasidungog sa mga Santos walay kapuslanan kon dli kita maagni pagpuyo sumala sa ilang panig-ingnan. Ang ilang kabalaan dili mahimong mopuli sa atua. Kinahanglan mosundog gayod kita kinila!