Maribojoc Mayor Jonathan Rojas (inset, lower left corner) said: ‘Dako nakong garbo ug kalipay nga ipaabot kaninyo nga ang Toribia Badilla Evasco Memorial Health Center (TBEMHC) giila sa 1st Regional Epidemiology and Surveillance Awards Ceremony nga gipahigayon sa Mandani Bay, Cebu City niadtong Agosto 20, 2025. Ubos sa tema ‘Upholding Excellence through Timely, Accurate, and Comprehensive Disease Surveillance and Health Data Management,’ giila ang TBEMHC tungod sa ilang maayong serbisyo ug pasalig sa public health. Nakadawat sila og mga dungog nga mao kini: Gold Certificate of Excellence in RESU (Regional Epidemiology and Surveillance Unit) og John Graunt Award for Field Health Services Information System (FHSIS) — ang labing taas nga pasidungog sa FHSIS implementation. Kini nga mga award nagpamatuod sa dakong paningkamot ug dedikasyon sa atong health center alang sa husto, tukma, ug kompleto nga health data management nga usa ka hinungdanon nga bahin sa pagpalambo sa kahimsog sa atong rehiyon. Padayon ta nga mosuporta ug magtinabangay aron mas mapalambo pa ang atong mga serbisyo panglawas para sa tanan. Photo courtesy of RHU Maribojoc