From the town of Baclayon, Mayor Alvin Uy (extreme right) said: “Sa katapusan na turn over na jud ang Baclayon Municipal Philippine National Police (PNP) Station ngadto sa atoang Baclayon BPPO nga gipangunahan ni PCapt Ariel Aspiras, atoang buotan nga hepe, ug sa mga katawhan sa atoang pinanggang lungsod nga Baclayon! Gipahigayon ang paghatag sa maong moderno, kumpleto ug bag o nga opisina kagahapon, Agosto 28, 2025. Dako kaajo atoang kalipay nga sa katapusan nakabaton na kita ug sakto nga PNP Station. Ug kita nanghinaut nga makahatag kini ug dugang kasibot ug makahatag ug dugang gana ug paningkamot sa atoang mga kapolisan sa paghatag sa tinuoray nga pagserbisyo sa mga katawhan. Atoang pasalamat sa mga kapolisan nga bisan pa sa kakuwang sa ilahang opisina sa una, naghatag gihapon sila sa tinuoray nga pagserbisyo ug nagpabilin ang lungsod nga malinawon! Pasalamat usab sa national government, sa PNP ug sa DILG nga naghatag sa pundo. Gitambongan ang pagturnover ni Gen. Art Evangelista nga nagreprsentar ni Guv. Aris Aumentado nga sa kanunay nagsuporta sa lungsod sa Baclayon; Vice Mayor Relson Adam Jala sa Tagb. City nga nagrepresentar sa atoang bag-o pero kusog nga nagsuporta sa lungsod nga si Cong. Baba Yap; PCol. Maribel B. Getigan nga nag representar ni PGen Red Maranan; PCol. Arnel B. Banzon, atoang buotan nga PD sa Bohol; PMaj. Aldegundo Combinido Jr.; Rev. Fr. FrEcon Supremo, buotan ug kugihan nga Parish Priest; Vice Mayor Jodel Theodore Cabahug; mga konsehal sa Baclayon nga Sila si Romy Aya-ay Balangkig, Jet-jet Abay-abay, Moloy Caballo, Jun Molina Salamat, King Luza Lacierda Tacusalme; mga Head of Offices sa LGU Baclayon; sir Patrick McCullough, our very supportive benefactor; Engr. Lemuel Bustamante, BFP Chief; ug uban pang mga bisita. Makita ang maong PNP Station tapad sa bag-o nato nga BFP station ug sa hapit na mahuman nga DRRM Office nga naa mahimutang sa lujong bahin sa merkado nga duol sa creek ug silingan ni madam Josephine Ugat Gestopa. Service Honor Justice Mabuhay ang Philippine National Police! Para sa Baclayon. God bless Baclayon.” Contributed photo