CORTES TOWN MAYOR RUDY UY BARES NEWS AFTER LOCAL HEALTH BOARD MEETING ON AUG. 31, 2025. Cortes Mayor Rodrigo Uy (4th from right) said: “Gipahigayon ang Local Health Board Meeting uban ang mga core members sa Local Health Board, mga personnel sa Cortes Primary Care Facility, DOH-NHWSS, ug si Provincial DOH Officer Dr. Van Phillip Baton. Usa sa gihatagan ug pagtagad mao ang klaro nga pagpahibalo sa papel ug responsibilidad sa matag miyembro sa board aron mas paspas ang koordinasyon ug implementasyon sa lokal nga mga polisiya sa health. Gidugang usab ang diskusyon bahin sa PhilHealth KONSULTA Program nga naghatag ug kompleto nga primary care services sama sa health risk screening, konsultasyon, diagnostic ug laboratory tests. Kini nag-awhag sa kanunay nga pagpa-check up ug sayong pagtuki sa sakit. Gipunto usab nato ang kahinungdanon sa preventive healthcare—mas importante ang paglikay kaysa pagtambal. Apil niini ang pagpanghatag bakuna, pagduso sa himsog nga pamaagi sa kinabuhi, ug regular nga health screening. Natapos ang meeting uban sa atong lig-on nga commitment sa kanunayng pag-suporta sa mga umaabot nga health programs alang sa mas maayong panglawas sa mga Cortesanon.” Contributed photo