On September 1, 2025, Calape Mayor Junie Yu (in photo) announced: “Atong gibalik pagpahigayun sa atong lungsod sa Calape ang usa ka programa sa pag-ugmad sa natad sa sports sa basketball sa atong mga kabataan. 17 na ka tuig ang milabay dihang atong gilusad ang Small Basketeers Program sa Calape sa tuig 2008 dinuyogan sa mga kadagkuang officials sa DepEd. Daghan kita nakita nga maayung produkto sa atong gihimo nga programa kaniadto sama ni Keith Dominic Asur nga taga Liboron. Mitambong si Keith sa atong opening program karon aron paghatag ug testimoniya ug pagdasig sa mga kabataan sa kaayuhan sa sports sa iyang pagdako. Midasun si Keith nga dili niya makalimtan ang iyang mga nasinati sa una nga nakatabang sa paghulma sa iyang kinatibuk-ang pagkatawo karon. Atong gipatik sa panumdoman sa mga kabataan ang mga maayung benefisyu nga ilang makuha niining atong gihimo nga sports activity sa pag-umol sa ilahang kinatibuk-ang personalidad samtang bata pa sila. ‘START THEM YOUNG.’ Mao ni ang atong battlecry. In order to mold our children into good citizens in our community, we have to start early. Daghang salamat sa tanang misuporta sa programa apil na ang mga ginikanan sa mga kabataan. Padayun ta. “Contributed photo