Sinulat ni Dave Albarado

Gitaho ni  Sec. Carlito G. Galvez Jr, Chief Implementer sa National Task Force (NTF) ug Vaccine Czar nga gidawat sa nasudnong kagamhanan ang bag-ong abot nga 500,000 ka mga doses sa bakuna nga pinalit gikan sa Tsina.

Ang mga doses sa Sinovac nga miabot niadtong Lunes, Abril 12, 2021 ang unang hugna sa mga bakuna nga pinalit sa kagamhanan. Gipaabot nga 1.5 milyon ka doses ang nakatakda nga muabot sa Pilipinas karong bulan sa Abril.

Ang Pilipinas mipalit ug kinatibuk-an nga 25 milyon nga bakuna gikan sa Sinovac nga gipaabot nga ihatod karong tuiga.

Daan na nga midawat ang Pilipinas ug 1 milyon ka doses sa Sinovac nga gihatag sa kagamhanan sa Tsina.

Gipaabot nga mga 2 milyon ka mga doses sa Sinovac ang muabot sa sunod bulan sa Mayo 2021.