Sinulat ni Elvira Bongosia
Mahimo nang mo-enroll ang mga estudyante sa mga pampublikong tunghaan gikan Kindergarten hangtod Grade 12 alang sa school year 2021-2022 ug nagsugod Agosto 16, 2021 pinasikad sa anunsyo sa Department of Education (DepEd).
Gitakdang mahuman ang enrollment period sa Setyembre 13, 2021 nga mao usab ang unang adlaw sa pagbukas sa klase.
Remote enrollment pa gihapon ang gipahigayon sa mga tunghaan sa nga dapit nga gipaubos sa enhanced community quarantine (ECQ) ug modified enhanced community quarantine (MECQ) agi ug gsunod sa ordinansa sa DepEd.
Samtang matud pa sa buhatan nga mahimong isumite ug personal sa mga ginikanan o guardian ang Modified Learner Enrollment and Survey Forms (MLESF) sa mga tunghaang gipaubos sa general community quarantine (GCQ) ug modified general community quarantine (MGCQ).
Matud pa sa pamunoan sa DepEd nga mahimong ipatuman sa mga tunghaan ang drop box enrollment diin mahimong isumite sa mga ginikanan ang MLESF sa mga kahon o booth sa atubangan sa gate sa eskwelahan, barangay hall, ug uban pang dali nga maadtuan nga mga lugar.
Gusto usab sa pamunoan sa DepEd nga mga bakunadong teaching ug non-teaching personnel lamang ang mag-organisa sa enrollment process.
Alang sa umaabot nga school year, distance learning pa gihapon ang ipatuman sa DepEd samtang gidili pa gihapon ang face-to-face classes tungod sa padayong hulga sa Coronavirus disease.
