Ni Padre Jose “joesum” Sumampong, Jr.  

—————————————————————

ANG SAYSAY SA KAAGI

SA SANTOS KARONG ADLAWA

HUNYO  23,  2024

Image: Life of Raymond Lull | reproduced in An illustrated history of the Knights Templar, James Wasserman | photo by Thomas le Myésier

Blessed Raymond Lull

Saint of the Day for June 23

(c. 1235 – June 28, 1315)

Blessed Raymond Lull’s Story

Si Raymond nagtinguha pagdasig sa mga buluhaton sa mga misyonero ug siya mismo namatay nga usa ka misyonero sa North Africa.

Si Raymond nahimugso didto sa Palma sa isla sa Mallorca didto sa  Mediterranean Sea. Nakahupot siyag tahas sa korte sa Hari didto. Usa ka adlaw nakabati siya og wali nga maoy nakatandog kaniya sa paghalad sa iyang kinabuhi sa pagkabig sa mga lumulupyong muslim sa North Africa. Nahimo siyang usa ka Secular Franciscan ug nagmugna og kolehiyo diin ang mga misyonero magtuon sa pinulongang Arabic nga ilang gikinahanglan sa mga misyon. Nag-inusara sa mamingawong dapit, si Raymond nagpuyo isip usa ka hermitanyo sulod sa siyam ka mga tuig. Sulod sa maong gidugayon, siya nagsulat kabahin sa nagkalainlain mga matang sa kaalam nga maoy hinungdan nga giila siya sa pasidungog nga “Enlightened Doctor.”

Si Raymond naghimo og daghang mga paglawig latas sa tibuok  Europe aron sa pagdasig sa mga papa, mga hari, ug mga prinsipe sa pagmugna og linaing koloheyo / special colleges alang sa pagtabang sa mga umaabot nga mga misyonero. Nagmalampuson siya sa maong tinguha. Sa tuig  1311, sa diha nga ang  Council of Vienne mimando sa pagmugna og lingkoranan /  chairs alang sa hahibalo kabahin sa Hebrew, Arabic, ug Chaldean didto sa mga universities sa Bologna, Oxford, Paris, ug Salamanca. Sa pangidaron nga  79, si Raymond miadto sa  North Africa sa tuig 1314 aron mahimong misyonero mismo. May mga masuk-anong panon sa mga muslim nga mibato kaniya didto sa dakbayan sa Bougie. Ang mga nigosyante / merchants  nga Genoese  nagdala kaniya balik sa  Mallorca, diin gibawian siya sa iyang kinabuhi. Si  Raymond gideklarar nga  beatified sa tuig 1514.  Ang iyang liturhikanhong pangilin saulogon matag Hunyo 30.

PAMALANDONG

Si Raymond miggugol sa hapit tanan sa iyang kinatibuk-ang kinabuhi alang sa pagsabwag sa Ebanghelyo. Ang walay pagpakabana sa mga Kristohanong lider ug ang pakigbatok sa maong tahas labi na didto sa North Africa wala gayod makaliso kaniya sa maong balaang katuyo-an. 300 ka mga tuig ang milabay, ang pangandoy ni Raymond may dakong inpluwensya didto sa  Americas. Sa panahon nga ang mga   Spaniards nagsugod sa ilang pagsabwag sa Ebanghelyo ngadto sa   New World, mimugna sila usab ang mga tulunghaan / missionary colleges aron sa pagtabang sa ilang mga misyon. Si Saint Junípero Serra, kansang pyesta, gisaulog sa Simbahan niining adlawa, usa sa mga modernong Santos nga nakatuon sulod sa usa niining maong koloheyo.

Ang misyon nga nahimo dinhi sa Pilipinas, 500 na ka mga tuig ang milabay sa dihang gisugdan kini nahimong dakong pahat sa gilantaw ug gidamgo ni Saint Raymond sa iyang panahon. Himayaon nato ang Dios!

-===-

SA KANUNAY ATONG IAMPO ANG MGA BAG-ONG ALAGAD SA ATONG NASUD, MGA LALAWIGAN, MGA DAKBAYAN, UG MGA LUNGSOD

SA ILANG PAGSUGOD SA ILANG PAGPANGALAGAD KARONG UMAABOT NGA HUNYO 30, 2022.

Ug Iampo ta ang atong katilingban nga mahimong gawasnon gikan sa kahimtang sa korupsyon, ilegal nga druga, ug krimen.

Pasalamatan ta, ang atong gawasnon nga pakiglabot sa miaging pinili-ay alang sa pagpahan-ay sa kahimtang sa atong nasud, lalawigan, dakbayan, lungsod ug barangay. Salamat sa Dios!