Baclayon Mayor Alvin Uy (foreground), announced on April 7, 2025 the following: “Hapit na ang Semana Santa mao nga ang atoang Municipal Peace and Order Council (MPOC) naghimo ug tigum para sa pagpangandam sa maong kasaulogan. Sukad pa sa una, ang atoang lungsod naila na kaanindot ug sa kadagko sa mga Santos nga ilibod sakay sa mga maanindot nga pag dayandayan/decorate nga mga karosa/karo. Mao nga daghan ang mga debotos, mga manguliay nga taga Baclayon ug daghan mga modagsa nga mga mosaksi sa atoang selebrasyon. Mao nga gihimo namo ang maong meeting gahapon para sa safety, security ug sa kinatibuk an nga kahapsay ug kalinaw sa maong kasaulogan. Salamat sa mga membro nga mitambong! Salamat sa atoang men in uniform, PNP, Bfp Rvii Baclayon Firestation ug Coast Guard Baclayon sa pagpasalig nga buhaton ang tanan. Salamat usab sa atoang taga health/Baclayon Primary Care Facility (PCF) ug sa Disaster Risk Reduction and Management (DRRM). Salamat sa barangay officials ug labi na sa mga tanod nga moduty. Pero ang kahapsay ug kalinaw magdepende usab kanatong mga katawhan. Busa kami nanghinaut sa injohang kooperasyon ug tabang para mabulokon ang atoang pagsaulog sa Semana Santa. Para sa Baclayon. God bless us all. God bless Baclayon.” Contributed photo