Ni Padre Jose “joesum” Sumampong, Jr.
—————————————————————
ANG SAYSAY SA KAAGI
SA SANTOS KARONG ADLAWA
MAYO 4, 2025
Page from a manuscript | Anonymous
Saint Hilary of Arles
Saint of the Day for May 4
(c. 401 – May 4, 449)
Saint Hilary of Arles’ Story
Ginaingon nga ang kabatan-on giusikan sa mga kabatan-onan. Nalarawan kini diha sa atong Santos karong adlawa.
Natawo didto sa France niadtong ika-5 ka siglo, si Hilary nagagikan sa hataas nga banay. Sa iyang pagtuon, iyang gikahibalag ang iyang ig-agaw nga si Honoratus nga midasig kang Hilary sa pag-uban kaniya sa kinabuhi sa usa ka monasteryo. Gisunod kini ni Hilary. Nagpadayon siya sa pagsunod sa mga lakang ni Honoratus isip obispo. Si Hilary nag edad lamang ug 29 sa dihang gipili siya nga Obispo sa Arles.
Ang batan-ong Obispo midawat sa tahas sa dakong pagsalig.Mihimo siyag mga buhat nga manual labor aron makakwarta nga ikahatag ngadto sa mga kabos. Gibaligya niya ang mga sakradong gamit / sacred vessels aron ikalukat sa mga nabilanggo. Nahimo siyang batid nga mamumulong. Naglakaw nga nagtiniil, ug nagsuol ug mga yanong sapot.
Mao kadto ang mga silaw nga hulagway sa iyang kinabuhi. Apan nasinati usab ni Hilary ang naglugitom nga dag-om sa iyang kinabuhi sama sa iyang katalian sa ubang mga Obispo nga ubos sa iyang pagdumala. Nagtaktak siyag usa ka masakiton nga Obispo nga iyang gipulihan ug lain. Nakonplikado ang panghitabo kay ang Obispo nga iyang gihukasan wala mamatay! Si Pope Saint Leo the Great mipadayon kang Hilary nga Obispo apan gikuhaan sa pipila sa iyang mga gahum.
Si Hilary namatay sa edad nga 49. Siya tawo nga maalamon ug sa ka balaan, kinsa nahibalo ra sa panggibuhaton sa obispo.
PAMALANDONG
Si Saint Hilary mipahinumdum kanato kabahin sa respeto sa anaa sa awtoridad bisan pa kon ang naghupot niini batan-on pa. Ang edad dili mao ang isyu kon dili ang saktong paghukom ug kaalam.
SUGYOT NGA AMPO-AN – Nga mipahinumduman kita kabahin sa respeto sa anaa sa saktong awtoridad