Ni Rey Anthony H. Chiu, PIA
Usa ka kinaiya sa
‘’Passing on the Gift’’
mao ang maghatag sa liwat sa una nga mga hayop nga gipaalimahan ug mingsanay na, mao nga bisan pa sa gamay nga pundo sa kagamhanan, daghan ang makabenepisyo niini tungod sa mga sakop sa pribadong sektor nga nanghatag sa alimahan nga hayupan. (PIA Bohol/PGBh)
Mikabat na sa 364 ka mga banay sa Bohol nga interesado nga magsugod og pangmanokan ang nakadawat na sa mingdawat 3,140 ka hinatag nga manok-Bisaya nga may gibanabana nga bili nga moabut na sa P512,000.00, segun pa sa taho nga ipaambit sa Office of the Provincial Veterinarian (OPV).
Kini usab ang unod sa gipaambit ni Atty. John Vistal didto sa virtual nga tigum sa Bohol Inter Agency task Force (BIATF) Strategic Communications Cluster, sa milabay nga semana.
Kini nga programa ang buot suportahan sa kapin lang og dyutay sa P6 milyones nga pundo gikan sa We Survive as One Bohol aron ipadayon ang nagkanitkanit nga Livestock and Poultry Production Enhancement Project pinaagi sa ‘’Passing on the Gift’’ nga gidumala sa OPV.
Matud pa ni Dr. Stella Marie Lapiz nga gawas sa baka, kabaw ug kanding, ang proyekto sa buhatan sa pagpa-alima ug pagpasanay sa baboy, kanding ug manok-Bisaya padayon mga gipadaghan ug gipaambit ngadto sa nga banay nga interesado nga mamuhi og manok aron may dugang nga kita.
Dinhi, kadtong mga pamilya nga interesado nga moapil sa programa, hatagan og sinugdan nga pagpabuhi sa manok sama sa pares nga sunoy ug mga himongaan isip starter production kits.
Programa na sa Kagamhanan nga Probinsyal sa Bohol, ang mga pasanayon nga mga manok adto kuhaon sa mga una na nga nakapasanay na sa ilang nga nadawat nga mga manok, baka, kabaw ug kanding, pasabut ni Dr. Lapiz.
Gawas sa ilang mga livestock partners, may mga donors usab nga giatiman sa OPV samtang sa uban pa sa nahauna nga mga programa, may mga tinubdan sa manok nga gipasanay usab ug gipabalik isip baylo sa una nga nadawat nga mga manok nga didto gi-alimahan na sa mga Municipal-based Native Chicken Production Centers (MNCPC).
Gitaho usab ni Dr. Lapiz nga nalipay sila kay may mga pribado usab nga mga indibidwal nga minghatag og suporta sa paghatag og manok pang-alimahay aron pasanayon.
Niini, ang pundo nga gipagawas sa Kagamhanan nga probinsyal magamit alang sa suporta sa produlsyon sama sa mga incubators, pangpalit og poly-nets, tambal sa mga manok ug biologics, isipon nga bahin sa PLGU.
Ang poly-nets nga gamiton aron paglabat sa mga binuhi-an nga manok ug ang mga tambal, bitamina ug nga pangsustento sa kalagsik sa mga binuhi, gitabangan sa OPV, mga buhatan sa MAO,
Programa nga nasukip na sa We Survive as One Bohol, matud pa ni Atty. John Vistal sa iyang taho ngadto sa BIATF Strategic Communications Cluster, gibanabana nga mokabat ngadto sa 3,000 ka mga banay sa Bohol ang makabenepisyo sa nahisgutan nga proyekto pagpasanay ug pag-alima sa mga manok ug mga hayupan.
Nakig-ambit usab sa ilang mga pasanayon ang Bohol Native Chicken Growers Association, ang mga kaabag sa Livelihood Enhancement Towards Sustainable Human and Environmental Paradigm for Bohol, Bohol Association of Livestock Aides, USSRA, Bohol Cattle Raisers Association, Municipal Agriculturists, Technicians, OPV Staff. (rahc/PIA-7/Bohol)