BULAHAN
Ni: Mario Iyog
Bulahan kadtong misalig Kaniya,
Sama sila sa mga kahoy nga mitubo daplin sa sapa,
Ang gamot niini pabiling basa,
Bisan kon nag-uga ang ibabaw sa yuta.
Bulahan ang mga kalanggaman,
Sama sila sa naglutaw nga dayandayan,
Walay kamalig nga kapasilongan,
Nabuhi ra sa grasya nga hatag sa Kahitas-an,
Bulahan kadtong nagtu-o ni Kristo,
Sama sila sa bagang panon sa karnero,
Mosunod sa “Magbalantay” kay naka-ila man sa iyang baho,
Kon masa-ag, ang pagtuo mogiya kaniya balik sa Ginoo.
Taliwa ning coronaV nga kalisdanan,
Pagsalig ug pagtuo ang atong hinagiban,
Kahadlok ayaw kay Iya tang panalipdan,
Salig ug laom kay haw-ason ta Niya gikan ning maong katalagman.