Aplikasyon sa ‘SSS sickness benefit reimbursement’ mahimo nang iduso ‘online’  

Ni Elvira Bongosia, PIA

TAGBILARAN CITY, (PIA)–Nagpahinumdom ang Social Security System (SSS) nga mahimo nang sugdan sa mga employers ang pag-fill out sa ilang Social Security Sickness Benefit Reimbursement Applications (SBRAs) sa online.

Matud pa sa SSS, ang mga employers mahimong mag-file og reimbursement claims basta rehistrado lamang sila sa website sa SSS o enrolled sa SSS Sickness and  Maternity Benefit Payment.

Nagpahinumdom usab ang ahensiya nga ang mga employers angay usab adunay abiso nga SSS-approved sickness notification gikan sa ilang employees.

Usa pa sa requirements matud sa SSS nga angay ang mga employers adunay certification nga ang sickness benefit gibayad og advance sa ilang employees.

Alang sa dugang kasayuran, ang mga miyembro ug employers, mahimong mobisita ug mosunod sa SSS’ Facebook page ug YouTube channel sa “Philippine Social Security System,” o sa ilang Twitter feed sa “PHLSSS.” (ecb/PIA7-Bohol)