Ni Elvira Bongosia, PIA
Giklaro sa Department of Education (DepEd) nga dili obligado ang mga estudyante nga magsuot og uniporme samtang mopaubos sa bisan unsang paagi sa distance learning.
“The Department of Education (DepEd) is not requiring learners to wear school uniform in any distance learning approaches that they will participate in for school year 2020-2021, matud pa sa opisyal nga pahayag nga gipagawas sa DepEd.
Gipasabot sa ahensya nga sa wala pa man ang pandemya, dili man hugot nga requirement sa mga pampublikong tunghaan ang pagsuot og uniporme sa mga estudyante base sa DepEd Order No. 065, s. 2010.
Kini matud pa aron malikayan ang pagbaton og dugang gastos sa pamilya sa mga estudyante.
Samtang gibawal pa ang face-to-face classes, gi-awhag ang mga estudyante sa pagsuot sa ilang labing-hamugaway ug angay nga panamit.
“With face-to-face classes prohibited, learners are welcome to wear their most comfortable and appropriate clothes while learning at the safe confines of their homes,” dugang pahayag sa DepEd. (ecb/PIA7-Bohol)