Usa ka “wanted” o pinangita sa balaod nga nailhan nga si Arnold Joseph Yu y’ Trabajo, 51 anyos, residente sa Purok 1, Brgy. Dao ning dakbayan, ang gisikop sa kapolisan.
Ang maong pinangita sa balaod gidakop sa mga tinugyanan sa warrant section sa city poilice station sa Tagbilaran sa may mga alas 10:30 sa buntag niadtong Martes (Sept. 15, 2020) didto sa Purok 2, Brgy. Dao ning dakbayan sa Tagbilaran.
Ang mga tinugyanan sa balaod nagahupot sa warrant of arrest alang sa maong “wanted” gumikan sa kasong paghupot og illegal nga drugas nga nakasupak sa sec. 11 sa Art. 2 sa RA 9165 kun Comprehensive Dangerous Drugs Act of 2002.
Kining maong warrant of arrest giduso niadtong August 24, 2020 ug giluwatan ni RTC Banch 4 presiding Judge Sisinio Virtudazo.
Pagkakaron, anaa sa bilangguan ang gikatahapan diha sa selda sa City PNP ug walay pyansa nga gisugyot ang hukmanan alang sa temporaryong kagawasan sa maong gikatahapan