Mas gipagaan sa Inter Agency Task Force (IATF) ang gipatuman nga limitasyon sa mga gitugotang makagawas sa sa ilang panimalay.
Kini isip tubag sa mga panawagang tugotan nang makagawas ang mga menor-de-edad ug senior citizens aron matabangan nga mabuhi ug ibalik ang kadasig sa ekonomiya sa nasod.
Sa gipahigayong press briefing sa Malakanyang, miingon si Presidential Spokesperson Harry Roque nga ang mga tawo nga adunay edad nga 15 anyos hangtud 65 anyos, mahimo nga makagawas sa ilang panimalay sumala sa lagda nga gipagawas sa IATF.
Gidugang pa ni Roque nga gihatagan ug gahum ang mga lokal nga kagamhanan sa pag-adjust sa age limit alang sa mga menor de edad depende sa sitwasyon sa COVID-19 sa ilang lugar.
Nihatag usab ug update ang IATF sa listahan sa mga kauban sa mga authorized persons outside residence (APOR).
Giapil sa listahan ang mga repatriated overseas Filipino workers ug mga overseas Filipino nga mopauli sa ilang pamilya. (PIA)