Masaligon si Duterte nga panalipdan sa AFP ang Batakang Balaod ug ang sobereniya sa Pilipinas 

 Masaligon si Presidente Rodrigo Duterte nga panalipdan sa Armed Forces of the Philippines (AFP) ang Batakang Balaod ug ang sobereniya sa Pilipinas.

Sa iyang pakigpulong atol sa ika 85 nga kasumaran sa anibersaryo sa AFP niadtong adlaw Lunes, Dis. 21, 2020, gibatbat ug gi-ila ni Duterte ang mga kontribusyon sa AFP  sa pakigbatok nasud sa Coronavirus disease (Covid).

“This year, we were faced with the most daunting health crisis in recent history. This invisible enemy – COVID-19 – caused a global pandemic that swept across the world and radically changed our way of life,” matud ni President Duterte. (Karong tuiga atong gisagubang ang kinalisurang krisis sa kasanihan sa labing ulahing tipik sa kasasaysayan. Ang kontra nga dili makita—Covid 19–nga maoy hinungdan sa usa kalibutanong pandemya nga nakaapekto sa tibuok kalibutan ug ni-usab sa atong panginabuhi.)

Midugang si Duterte pag-ingon nga bisan pa sa kalisod, nagpakita ug kaisog ug katakus ang mga sakop sa AFP kung atua sila sa atubangan sa pakigbisog sa kaaway kauban ang mga health workers.

Adunay dakong papel ang AFP sa gihimong nasudnong action plan aron makigbisog batok sa Covid tungod kay ang mga sundalo ang gitahasan nga mubantay sa mga quarantine facilities ug sa mga dapit diin gihimo ang swab tests aron mapugnan ang pagkuyanap sa maong virus.

Dako usab ang papel sa AFP sa disaster response sa dihang nasinati sa nasud ang pipila ka mga bagyo.

Tungod sa tabang sa AFP nahimo sa gobyerno nga kontrolado ang sitwasyon.

Iyang gisa-ad nga paningkamutan niya nga mapalig-on gilayon ang katakus sa mga myembro sa AFP pinaagi sa capacity building ug pagpalit ug mga modernong kahimanan aron mahimo gayud sa mga sundalo ang mga tahas nga ilang himoon.