Sinulat ni Dave Albarado
GIpalig-on ug pag-ayo sa Bohol ang seguridad aron mapugngan ang pagsulod sa kagaw nga maoy hinungdan sa African Swine Fever aron dili kini makatakod sa mga binuhing baboy dinhi sa Bohol.
Gihimo kini human migawas ang mga tago nga nakasulod na sa pipila ka bahin sa Leyte ang kagaw sa ASF.
Nunot niini, ang kaghamhanang probinsyal sa Bohol nakahukom nga dili na pasudlon ang mga sakyanan nga nag karga ug baboy, manok, ug uban pang matang sa karne. Bisan walay sulod ang mga de-karga nga truck nga kanhi gikargahan ug mga karne, dili gihapon pasudlon sa Bohol. Gihimo kini aron mapugnan ang posibleng pagsulod sa kagaw nga maoy hinungdan sa ASF.
Matud pa ni Provincial Veterinarian Stella Maris Lapiz, bisan pa nga walay ebidensya nga pwedeng dad-on sa mga tanom o mga lagutmon o mga utanon ang kagaw, ang mga sakyanan nga nagdala sa maong mga produkto ipaubos sa disinfection sa dili pa tugutan nga makagawas sa mga pantalan. Human sa disinfection, magpabilin una ang mga sakyanan sulod sa mga pantalan ug mga tungang oras. Paglabay sa tunga sa oras, anha pa kini tugutan nga makalarga sa ilang padulngan.
Matud pa ni Provincial Veterinarian Stella Maris Lapiz, bisan pa nga walay ebidensya nga pwedeng dad-on sa mga tanom o mga lagutmon o mga utanon ang kagaw, ang mga sakyanan nga nagdala sa maong mga produkto kinahanglan nga e-disinfect sa dili pa tugutan nga makagawas sa mga pantalan. Human sa disinfection, magpabilin una ang mga sakyanan sulod sa mga pantalan ug mga tungang oras. Paglabay sa tunga sa oras, anha pa kini tugutan nga makalarga sa ilang padulngan.
Tanang matang sa sakyanan nga moabot sa pantalan ipaubos gihapon sa disinfection.
Ang mga sakyanan nga de-karga nga gikan sa mga dapit diin adunay mga kaso sa ASF, dili tugutang makasulod sa Bohol.
Dugang pa ni Lapiz, gipahimangnuqn ang mga barangay sa mga lungsod nga nag-atubang sa Leyte ug Mindanao nga dili papalliton ug baboy nga barato ang presyo labi na kadtong gikan sa Leyte ug Mindanao kay posibleng gi-ihaw kini tungod kay naigo sa ASF. .
Midugang si Lapiz sa pag-ingon nga may posibilidad nga kung makadawat ang taga Bohol niining klaseha sa baboy, ila kining ibaligya ug mao kini ang magdala magdala sa kagaw ug makatakod sa mga baboy nga binuhi dinhi.
Niadtong milabay nga semana, nagsugod ang Provincial Veterinarian sa pagpahimangno sa mga barangay sa Ubay, ug President Carlos P. Garcia nga magdumili ug palit sa mga baratong baboy nga magagikan sa dapit sa Leyte ug Mindanao nga naigo sa ASF.
Niadtong unang bahin sa Enero 2021, gipirmahan ni Gob. Arthur Yap ang usa ka Executive Order kon EO, diin dili tugutan ang pagsulod sa mga baboy o produkto sa baboy nga gikan sa Leyte, Mindanao ug Luzon.
Gipahibaw usab nga adunay mga quarantine procedures alang sa mga plant-based nga lawog o mga lawog nga gikan sa isda matud pa sa EO sa gobernador.
Magpabilin sa usa ka quarantine area ang mga lawog nga plant-based sulod sa 20 ka adlaw. Ang lawog para sa isda ug manok kinahanglan nga i-quarantine sulod sa 11 ka adlaw.