Sinulat ni Elvira Bongosia
Target gihapon sa gobyerno nga kunhoran sa 50 porsyento ang hunger rate sa Pilipinas matud pa ni Cabinet Secretary Karlo Nograles.
Kini taliwala sa pagsaka sa mga presyo sa mga nag-unang panaliton.
“Kami ngayon sa Task Force Zero Hunger, ang tinitingnan natin, kung SWS survey ang ating basis, mula sa 16% sa kasalukuyan, ang gusto nating gawin ay mabalik siya sa dating 8% dahil nagawa na natin ito noong last quarter ng 2019 bago dumating ang Covid,” matud pa sa usa ka pahayag ni Nograles.
(Kami karon sa Task Force Zero Hunger, atong gitan-aw kon ang SWS Survey ang atong sumbanan, gikans a 16 porsyento sa kasamtangan, buot nato nga mabalik nagdto sa 8 porsyento sa una, kay nahimo na kini nato sa katapusang kwarter sa 2019 sa wala pa moabut ang COVID. )
“Pero before that, yung SWS survey natin nasa 8%, ngayon nasa 16% kaya kailangan mangalahati pa ito. Ito ang inaasahan natin na sana magawa namin sa pamamagitan ng mga programang nakalaan at nakaprograma na sa Task Force Zero Hunger,” dugang pa sa Kalihim.
(Sa wala pa kadto, ang atong resulta sa SWS, naa sa 8%, karon 16% na mao nga kinahanglan nato kini nga mapatunga pa. Kini atong gilauman nga unta, makab-ot nato sa mga programa nga gitagana sa Task Force Zero Hunger.)
Kini base sa survey nga nigawas niadtong Nobyembre sa niaging tuig.
Matud pa ni Nograles nga maoy pangulo sa Inter-Agency Task Force on Zero Hunger, naghimo na ug mga lakang ang gobyerno aron masigurong igo ang suplay sa pagkaon aron makontolar ang presyo sa mga panaliton.
Gibutyag ni Nograles nga plano sa Department of Agriculture (DA) nga magpatuman ug pagpahunong sa paglihok sa presyo.
Gipugngan na usab sa gobyerno ang pagsaka sa presyo sa itlog nga alternatibong tinubdan sa protina.
Plano usab sa Kalihim nga maglusad ug kampanya aron iduso ang community gardening aron masiguro ang suplay sa mga utanon.
Giingong gitan-aw na usab sa Senado ang posibleng aksyon sa padayon nga pagsaka sa presyo sa mga paliton.