Sinulat ni Dave Charles Responte
Quincentennial marker alang sa paghinumdom sa unang ‘circumnavigation’ sa kalibutan dinhe sa Pilipinas ibalhin gikan sa CPG Park sa new Capitol Ground paingon na sa Maribojoc, Bohol didto sa Punta Cruz Watch Tower Compound.
Gitugotan sa Sanggunian Panlalawigan (SP) si Gob. Arthur Yap nga mosulod sa usa ka memorandum of agreement (MOA) tali sa National Historical Commission of the Philippines (NHIP) bahin sa pagbutang ug ‘quincentennial marker’ alang sa paghinumdom sa unang higayon nga nalibot sa tawo ang kalibutan o ang gitawag nga ‘circumnavigation’.
Mihatag ug pagtugot ang SP ngadto kang Yap nga musulod sa usa ka MOA tali sa NHCP alang sa pagbalhin sa lokasyon sa quincentennial marker gikan dinhe sa Tagbilaran ngadto na sa Maribojoc.
Sa sulat ni Art Yap ngadto sa SP nga gipetsahan ug Pebrero 10, 2021, gipadayag sa gobernador ang pagpasabot nganong kinahanglan ibalhin ang marker ngadto sa historical nga Punta Cruz Watch Tower Compound sa Maribojoc.
Matud pa sa kasaysayan ang barkong Concepcion nga lakip sa mga barko nga miabot dinhi sa Pilipinas nga sa byahe ni Ferdinand Magellan ug Sebastian Elcano giingong nagpundo sila sa Maribojoc Bay.