Sinulat ni Dave Charles Responte
Bureau of Fire Protection (BFP) dinhi sa Bohol ang niduyog sa nasodnong kasaulogan sa 2021 National Fire Prevention Month.
Mao kini ang gibutyag ni Fire Chief Inspector Raul Bustaliño, ang Bohol Provincial Fire Marshall atol sa interbyu sa mga sakop sa media niadtong adlaw Miyerkules, Mar. 3, 2021.
Ang tema sa kasaulogankarong tuiga sa nasodnongpagsaulog sa Fire Prevention Month mao ang “Sa Pag-Iwas sa Sunog, Hindi ka Nag-Iisa”.
Gibutyag ni Bustaliño nga ang BFP Bohol ug ang mga local fire stations nidungan ug pagsaulog sa pagbukas niadtong Lunes sa Fire Prevention Month pinaagi sa motorkada ug santos nga misa.
Dugang pa niya nga dunay mga nakahan-ay nga kalihokan ang BFP Bohol nga haom sa kasaulogan diin usa na niini, mao ang paghingosog ug dugang sa Oplan Ligtas Pamayanan nga ang mga bombero mohimo ug halapad nga kampanya ngadto sa mga barangay nga malikayan ang sunog.
Subay sa Presidential Proclamation 115-A, gitagana ang buwan sa Marso nga National Fire Prevention Month gumikan sa maka alarma nga pagsaka ug gidaghanon nga sunog dinhe sa Pilipinas sa maong bulan.
Gitinguha sa Fire Prevention Month moa ang pagpromote sa safety, ug prevention,batok sa magpanghitabo nga sunog.