Sinulat ni Dave Charles Responte
Ang number 3 most wanted nga tawo sa Carmen, Bohol nasikop didto sa Agusan Del Sur, matud pa sa taho kapulisan gikan sa Kampo Dagohoy.
Gi-ila ang akusado nga si Florentino Batolanon Jr. 43, ug nagpuyo na sa Purok 2A , Bading, Butuan City, Agusan Del Sur.
Gidakop ang akusado sa joint operatives gikan sa Criminal Investigation and Detection Groip Regional Field Unit (CIDG RFU) 13 sa Agusan Del Sur uban ang Anti Kidnapping Group (AKG) Visayas field unit ug mga tinugyanan sa Carmen Municipal Police Station mga alas 6:50 sa buntag, Marso 1, 2021 didto sa Langihan Public Terminal, Butuan City, Agusan Del Sur.
Gipatuman sa joint team ang warrant of arrest nga gi-issue ni Judge Sisinio Virtudazo, presiding judge Regional Trial Court (RTC) branch 7, Branch 51, nga nag base sa Carmen, Bohol gumikan sa violation sa Akta Republika 7610 o ang Child Abuse Law.
Walay piyansang girecommendar ang korte para sa temporaryong kagawasan sa gikatahapan ug himoan ug return of warrant ngadto sa korte.