Sinulat ni Dave Albarado
Gob. Arthur Yap
Gob. Arthur Yap mibisita sa isla sa Pitogo o lungsod sa CPG para sa pagtunol sa tinuig nga tabang pinansyal gikan sa kagamhanang probinsyal ngadto sa mga kabarangayan niadtong Martes, Marso 23, 2021.
Gitunol sa gobernador ang cheke nga nagkantidad ug P25,000 ngadto sa 23 ka barangay isip tabang pinansyal gikan sa kagamhanang probinsyal.
Gipanghatag usab ni Yap ang honorarium para sa atong mga Barangay Livestock Aides (BALA) isip pasalamat sa ilang walay puas nga serbisyo bisan pa nga sa dugay nga panahon nagtrabaho lamang sila nga boluntaryo.
Lain nga gidala sa gobernador ang financial subsidy diin nagpagawas ang kagamhanang probinsyal ug P5.1 million para sa mga child day care workers sa tibuok probinsya sa Bohol para sa ilang dedikasyon sa ilang pagpanarbaho ug pag-amoma sa atong mga kabatan-onan.
Gawas niini, mitambong usab si Yap sa gipahigayon nga Public Hearing on Proposed Water Desalination Project ug pagturn-over sa Science and Technology Academic Research Based Openly Operated Kioks o Starbooks ngadto sa tulo ka tunghaan sa maong isla.
Kauban sa gobernador sila si Mayor Fernando Estavilla, Vice Mayor Nestor Abad, Mayor Virgilio Mendez (San Miguel), Former 2nd Dist. Board Member Aga Avenido, ABC President, Kenneth Estavilla, SK Federated Dapnee Sagarino, mga miyembro sa Sangguniang Bayan ug mga opisyales sa barangay.