Sinulat sa PRIMER
Gob. Arthur Yap nanguna sa groundbreaking sa Batuan Native Chicken Breeding and Chicks Hardening Facilities and Marketing Enterprise sa Cambacay, Batuan niadtong Huwebes, Marso 25, 2021.
Gi-turn over sa gobernador ang checke para sa mga ekipo para sa itukod nga building sa maong proyekto.
Gawas niini, giturn-over usab ang usa ka delivery truck para magamit sa paghatod ug kuha sa mga native chicken nga mga produkto.
Duna usab gihatag nga mga planting materials ug feed production support para sa mga manok.
Ang maong proyekto nahimo tungod sa pagpaningkamot sa kagamhanang probinsyal ubos sa liderato ni Yap pinaagi sa Office of the Provincial Agriculturist sa koordinasyon sa Department of Agriculture (DA) ug World Bank.
Mitambong sa maong kalihokan sa Department of Agriculture Undersecretary for Livestock William Medrano ug nipaabot sa iyang bilib sa Bohol para sa malampuson nga pagpanalipod sa probinsya batok sa African Swine Fever.
Mapasalamaton usab si Medrano sa gobernador sa dakong tabang niini sa panahon nga siya secretary pa sa Department of Agriculture.
Kauban usab sa maong kalihokan sila si Board Member Elpidio Bonita, San Miguel Mayor Virgilio Mendez, Batuan Sangguniang Bayan (SB) Member Gamaliel Merlas, SB Member Segundo Bautista, Eliseo Sumampong Municipal Planning and Development Ccordinator sa Batuan, Engr. Eufemio Macabenta, Engr. Camilo Gasatan, Mita Tecson, Dr. Bing Lapiz, ug mga opisyles sa barangay sa Batuan.